رێ ب وه‌لاتێن رۆژئاڤا ناده‌ين پشكداريێ د ئاڤاكرنا سوريا دا بكه‌ن
ئه‌ڤرۆ نيوز، فاتما مزوورى:
به‌شار ئه‌سه‌د سه‌رۆك سوريا د داخۆيانيه‌كێ دا ژبۆ كه‌نالێ ئێن تى ڤى يێ رۆسى ته‌كه‌ز ل سه‌ر وێ چه‌ندێ كريه كو سوريا ئه‌و شيان هه‌نه ده‌وله‌تا خوه ئاڤا كه‌ت.
د چارچۆڤێ به‌رنامه‌كێ وى كه‌نالى دا كو رۆژانێن ئێكشه‌مبى به‌لاڤ دبيت ئه‌سه‌د ئاشكه‌را ژى كر كو وه‌لاتێن رۆژئاڤا د ئاڤاكرنا وه‌لاتێ وى دا پشكداريێ ناكه‌ن.
ئاماژه ب وێ چه‌ندێ ژى كر كو نها شه‌ره، به‌لێ ئه‌و ل سه‌ر وێ ئێكێ د سه‌ر راستن كو شيانێن وێ چه‌ندێ هه‌نه كو وه‌لاتێ خوه ئاڤا بكه‌ن.
به‌حسا وێ ئێكێ ژى دكه‌ت كو هه‌تا نها ئه‌وان بڕيار نه‌ديانه كو خوه ژبۆ هه‌لبژارتنێن 2021ێ به‌رهه‌ڤ بكه‌ن يان نه.
ده‌رباره‌ى باكوورێ سوريا ژى ته‌كه‌ز كر كو دو رێيێن چاره‌سه‌ريێ ل به‌ريا وان هه‌نه؛ يان ئاشتيانه يان ژى هێرشكرنه سه‌ر وان تيرۆرستايه يێن خوه راده‌ست نه‌كرين و ئاشتى نه‌خواستى، “شه‌ر باشترين رێ يا چاره‌يێ نينه، به‌لێ باشترين رێ يه ژبۆ كونترۆلكرنا وه‌لاتى ژ لايێ ده‌وله‌تێ ڤه”.
