رەوشا پەنابەران ل ئورۆپا دێ خرابتر لێ ھێت
ئەڤرۆ نیوز:
ل گۆر راپۆرتەکا ئاژانسا فرانس پرێس ژ بەر قەیرانا ئابووری و ھەروەسا مەترسیا تیرۆرێ وەلاتێن ئورۆپا نەشێن وەک بەرێ ھاریکاریا وان کەسان بکەن یێن کو نھا وەک پەنابەر ل گەلەک وەلاتێن ئورۆپا بنەجە بینە و ھەروەسا ئەو ھاریکاریا کو بەرێ بۆ پەنابەران دھێتە کرن دێ ب رێژەکا بەرچاڤ ھێتە کێم کرن، چونکو پرانیا وەلاتیێن ئورۆپا نەرازیبوونا خوە ل ھەمبەر سیاسەتا نھا یا وەلاتێن خوە دیار دکە رادگەھینن کو نابیت حوکمەت ب پارێ وان خەلکەکێ دی خوەدان دکەت و خزمەتگوزاریان کێم بکەن.
د بەردەوامیا راپۆرتێ دا ئەو یەک ژی ھاتیە دیار کرن کو پارتێن ھشکباوەر ژی ل ئورۆپا رۆژ ب رۆژێ ب ھێز دکەڤن و ئەو مفایێ ژ دەنگێ نەرازیبوونا خەلکی ب تایبەتی ژی سەبارەت ب پرسا پەنابەران وەردگرن و دەستھەلاتدارێن نھا ل ئورۆپا ژی ژ بەر بەرژەوەندیێن خوە دێ نەچار بن کو سیاسەتا خوە ل ھەمبەر پەنابەران بەر چاڤان دەرباز کەن و ئەو یەک دێ کارتێکرنەکا خراب ل ژیانا وان کەت.
