زاخارۆفا: سزايێن ئه‌مريكا دێ ئالوزيێن رۆسيا و ئه‌مريكا كوورتر لێ كه‌ت
ئه‌ڤرۆ نيوز:
مارايا زاخارۆفا، ئاخفتنكه‌را ب ناڤێ وه‌زاره‌تا ده‌رڤه يا رۆسيا راگه‌هاند كو سزايێن نوو يێ ئه‌مريكا بۆ سه‌ر وه‌لاتێ وان چو ئه‌نجام نابيت، ژبلى زێده‌كرنا ئالوزيێن ناڤبه‌را هه‌ردو وه‌لاتان.
مارايا زاخارۆفا د چارچۆڤێ په‌يڤه‌كێ دا ل به‌رسينگێ كۆمه‌كا خوه‌به‌خشێن وه‌لاتێ خوه راگه‌هاند، سزايێن نوو يێن ئه‌مريكا بۆ سه‌ر رۆسيا كو بڕياره ل 27ێ ڤێ هه‌يڤێ بهێنه بجهئينان، چو ئه‌نجام نابن ژبلى زێده‌كرنا ئالۆزيێن ناڤبه‌را هه‌ردو وه‌لاتان.
ئاخفتنكه‌را ب ناڤێ وه‌زاره‌تا ژ ده‌رڤه يا رۆسيا ئاماژه ب وێ چه‌ندێ ژى كر كو سه‌پاندنا سزايان ب سه‌ر وه‌لاتان ڤه ژ لايێ ئه‌مريكا وه‌كو رۆتينه‌كى يه.
ئه‌ڤه د ده‌مه‌كى دايه كو ژ ئه‌گه‌رێ ژه‌هراويكرنا سێرگى سكريپال سخورێ رۆسيا ل بريتانيا ئالۆزى كه‌فتينه ناڤ په‌يوه‌نديێن ناڤبه‌را رۆسيا و ئه‌مريكا.
