زاخۆ و دھۆک سەرێ لیستەیا کوما ئێکێ دوێ دھێن و زێرەڤانی یا بەردەوامە ل سەر ئەنجامێن لاواز
ئەڤرۆ نیوز، ھەژار مەعروف
تیما تەپا پێ یا دھۆک بەردەوامی دا سەرکێشا کوما دوێ یا خۆلا فاست لینک یا کوردستانێ سەرەرای وەکھەڤیا وێ د یاریا ئەڤرۆ دا ل گەل یانا برایەتی ل یاریگەھا وێ ب گولەکێ کو تیما دھۆک ل نیڤا ئێکێ پێشکەڤت بۆ، ل نیڤا دوێ ل دەھـ دەقیقەیێن دووماھیێ یانا برایەتی ب لێدانا پەنەلتی گۆلا وەکھەڤی تومارکر ب ڤی ئەنجامی دھۆک خالێن خوە گەھاندنە ٨ خالان سەرێ لیستەیا کوما دوێ پاراست و برایەتی خالێن خوە گەھاندنە پێنج خالان.
ژلایەکێ دیڤە د ھەمان کوم دا تیما گارە ل باژێرێ سلێمانیێ ب خالەکا گرنگ ڤەگەریە دەمێ وەکھەڤ بووی ل گەل یانا نەوروز ل یاریگەھا زانکو بێ گول و ب ڤێ وەکھەڤی ھەردو تیمان خالێن خوە گەھاندنە پێنج خالان و ھەمان کوم دا تیما پێشمه‌رگه ب سه‌رکه‌ڤت لسه‌ر سولاڤ.
ژ چارچوڤێ یاریێن کوما ئێکێ ھەلگرا ھەر سێ ناسناڤێن وەرزێ بوری بەردەوامی دا ئەنجامێن خوە یێن لاواز ل وەرزێ ئەڤ سالە ئەڤرۆ ژی بۆ یاریا چارێ ل دیڤ ئێک نەشیا سەرکەفتنێ توماربکەت ئەڤ جارە ژی ل یاریگەھا خوە وەکھەڤ بوو ب گولەکێ ل گەل یانا ھندرین و تیما زاخۆ سەرکەفتنا دوێ ل وەرزێ ئەڤ سالە تومارکر پشتی د یاریا خوە یا ڤێ حەفتیێ سەرکەفتن ل سەر شێروانە تومارکری ب سێ گولان بەرامبەر دو گولان ب ڤێ سەرکەفتنێ تیما زاخۆ خالێن خوە گەھاندنە شەش خالان سەرێ لیستەیا کوما ئێکێ دھێت. و د ھەمان کوم دا کەرکوک ل گەل ھەولێرێ ب دو گولان وەکھەڤ بوو.
