زاخۆ پێشڤە ھاتە رێزا دوێ دخولا عیراقێ دا
ئەڤرۆ نیوز، ھەژار مەعروف:
فوتو، قەیس وەیسی:
تیما تەپا پێ یا زاخۆ بەردەوامی دا ئەنجامێن خوە یێن باش ل وەرزێ ئەڤ سالە دخۆلا پلا نایاب یا عیراقێ دا پشتی د یاریا خوە یا ئەڤرۆ دا ژ گەرا نەھێ ژ خۆلێ ب سەرکەفتی ل سەر یانا بەغدا ب دو گولان بەرامبەر گولەکێ دوێ یاریێ دا ئەوا ل یاریگەھا دەلال ل باژێرێ زاخۆ ھاتیەکرن.
دڤێ یاریێ دا ھەردو تیم ل نیڤا ئێکێ نەشیان چو گولان توماربکەن و پشتی دەستپێکا نیڤا دوێ چەند گوھورینا تیما تەپا پێ یا زاخو شیا کونترول ل سەر یاریێ بکەت و ب رێکا ھەردو پیشەکارێن خوە یێن نوو یێن لیبیی موھند ئەبو عجیلە و عەبدوسلام فیتوری ھاتە تومارکرن ب ڤی ئەنجامی تیما زاخۆ خالێن خوە گەھاندنە ١٦ خالان ژ رێزا چارێ پێشڤە ھاتە رێزا دوێ .
ژ ئەنجامێن دی یێن خولێ شورتە ب سەرکەفت ل سەر حدود ب گولەکێ بێ بەرامبەر و نەجەف ب سەرکەفت ل سەر مینا ب ھەمان ئەنجام و سیناعە و ل گەل کەربەلا ب گولەکێ وەکھەڤ بوو.
