زانایه‌ك داخوازه‌كێ ژ كوردێن باكور دكه‌ت
ئه‌ڤرۆ:
پ. د. عه‌زیز یاغان زانایێ كورد راگه‌هاند كو نابیت كورد ل توركیا و باكورێ كوردستانێ داخوازا په‌روه‌ردا ب زمانێ كوردی ل ده‌وله‌تا توركیا بكه‌ن، ئه‌و یه‌ك شاشیه‌ك مه‌زنه دڤێت كورد بخوه زارۆیێن خوه فێری زمانێ كوردی بكه‌ن و قۆتابخانان ئاڤا بكه‌ن و ل هه‌موو باژێر و گۆندان زارۆیێن خوه فێری زمانی كوردی بكه‌ن.
ناڤهاتی ئه‌و یه‌ك ژی دیار كر كو شاشیه‌ك مه‌زنه ده‌وله‌تا توركیا و وه‌زاره‌تا په‌روه‌ردێ پرسیارێ ژ زارۆیێن كورد بكه‌ن كا هه‌وه دڤێت ب زمانێ كوردی بخوونن یان نه؟ چونكی په‌روه‌ردا ب زمانێ دایكێ مافه‌ك سروشتی یه و ل هه‌موو جیهانێ زارۆ ب زمانێ دایكێ دخوونن، نابیت كورد چاڤه‌رێی دلۆڤانیا ده‌وله‌تێ بن و ژ بۆ په‌روه‌ردا ب زمانێ كوردی داخوازا هاریكاریێ بكه‌ن، دڤێت كورد بخوه زارۆیێن خوه فێری زمانێ كوردی بكه‌ن.
