زانكۆیێن ئه‌هلی و بانک و مۆل مولکێ به‌رپرسێن عیراقێ نە
ئەڤرۆ نیوز ، زنار تۆڤی:
ئه‌ندامەکێ بەرێ یێ لیژنا دارایی ل پەرلەمانێ عیراقێ ئاشكەرا كریە، کو به‌رپرسێن بلند دهست ب سەر هەموو عیراقێدا گرتیە، کو بانك و زانكۆیێن ئه‌هلی و مۆل خوارنگەهێن مەزن ژی مولکێ ئه‌وانن.
ره‌حیم ده‌راجی ئه‌ندامێ بەرێ یێ لیژنا دارایی ل پەرلەمانێ عیراقێ د لێدوانەکێدا گوتیە ژی، هیچ كۆمپیانیەکا كه‌رتێ تایبه‌ت د عیراقێ دا نه‌مایه و ئه‌وێن هه‌ین ژی هەموو مولکێ به‌رپرسێن بلند یێن حوکمه‌تێنە و وان ژی هه‌ر ب پارێ كه‌رتێ گشتی و گه‌نده‌لیا پرۆژێن بازرگانیێ دروست د‌كه‌ن.
هەروەسا گوتیە،مۆل و خوارنگەهێن مەزن و زانكۆیێن ئه‌هلی و بانك و كۆمپانی و پرۆژێن بازرگانی و ئاڤاهیێن مەزن یێن به‌رپرسێن بلندێن عیراقێ نە، گه‌نده‌ل و به‌رپرسێن حوکمه‌تێ هیچ وارەک نەهێلایە و ده‌رفه‌تێ نادەنە هیچ وەلاتیەکێ بۆ خوە پرۆژه‌کێ دابمه‌زرینن و پێش بێخن.
هەروەسادوهی سێشه‌مبی میدیایێن عیراقێ سامان و مولکێ به‌رپرسێن بلند یێن حوکمەتێ بەلاڤەکرینە، دناڤا واندا هادی عامری و حه‌یده‌ر عه‌بادی و نوری مالكی و عه‌لی عه‌لاق و عه‌لی ئه‌دیب و ئیبراهیم جه‌عفه‌ری و چه‌ندین به‌رپرسێن بلند یێن دیتر کو خودانێن چه‌ندین خانی و كۆچكانە ل باژێرێ به‌غدا.
