زانکۆیا دھۆک دێ ئاھەنگا دەرچوونێ گێریت

ئەڤرۆ نیوز:
ھاریکارێ سەرۆکێ زانکۆیا دھۆک بۆ کاروبارێن قوتابیان د. مێڤان عارف بۆ رۆژناما ئەڤرۆ دیارکر کو سبەھی 23ى چريا دويێ 2016 دێ ئاھەنگا دەرچوونا قوتابیێن بەکالوریۆسێ یێن زانکۆیا دھۆک ل ھۆلا کۆنفرانسان ھێتە گێران.
د. مێڤان عارف ئەو چەند ژی دیارکر کو دڤێ گەرا دەرچوونێ دا سێ ھزار و 511 قوتابی ب 58 بسپۆریێن جودا دێ ژ زانکۆیا دھۆک دەرچن، گۆت ژی ژ بەرکو ھژمارا دەرچوویان گەلەکن و رێورەسمێن دەرچوونێ دێ ل ناڤ ھۆلێ ھێنە گێران لەورا دێ ل ھەردوو رۆژێن چارشەمب و پێنجشەمب 23 و 24ى چريا دويێ دێ پێنج ئاھەنگ بۆ دەرچوویان ھێنە گێران و ھەر جار ھندەک کۆلیژە دێ تێدا د پشکدار بن.
ھاریکارێ سەرۆکێ زانکۆیا دھۆک بۆ کاروبارێن قوتابیان ئەو ژی گۆت کو ئەڤ گەرا دەرچوونێ کو یا 21 یە یا زانکۆیا دھۆک کریە (گەرا شەھیدێن سەرخوەبوونا کوردستانێ) وەکو رێزگرتن بۆ وان شەھیدێن گیانێ خوە کریە قوربانی ئاخا کوردستانێ، دیار ژی کر کو د ئاھەنگا دەرچوونا ئەڤ سالە دا وەکو سالا بۆری ب تنێ دێ قوتابی د پشکدار بن بێی کەسوکارێن وان.

کۆمێنتا تە