زانکۆیا زاخۆ مزگینیەکێ ددەتە قوتابیێن قووناغا ئێکێ
ئەڤرۆ نیوز، عەلی حاجی:
جڤاتا زانکۆیا زاخۆ، د نووترین بڕیار دا ھەموو قوتابیێن قووناغا ئێکێ بۆ سالا خواندنێ ٢٠١٨ – ٢٠١٩ بۆ ھەردو سمستەرێن ئێکێ و دویێ پەڕینەوە (عبور) بھێتە ب جھـئینان.
دکتۆر کاروان فەھمی، ھاریکارێ سەرۆکێ زانکۆیا زاخۆ بۆ کاروبارێن قوتابیان بۆ ئەڤرۆ نیوز دیار کر، ئەڤ بڕیارە د دەمەکی دا ھاتەدان بۆ قوتابیێن قووناغا ئێکێ یێن سالا خواندنێ ٢٠١٨ – ٢٠١٩ بۆ ھەر سمستەرەکێ وانەیەک بۆ قوتابی بھێتە ھژمارتن وەکو پەرینەوە (عبور) ھەکە ل سمستەرێ ئێکێ ب وانەکێ و ب سمستەرێ دویێ ب وانەیەکێ کەفتبیت قوتابی، دێ بۆ قوتابی وەکو پەرینەوە بۆ وێ سالێ ھێتە ھژمارتن، ئەڤ چەندە ھاتە ئەنجامدان کو سالا بۆری پەرینەوە نەبوو ل زانکۆیا زاخۆ، ژ بەر کۆنمرەیا سەرکەفتنا قوتابی بۆ ٥٠%، بەلێ ئەڤ سالە کۆنمرە ھاتە بلندکرن بۆ ٦٠%، ڤێ چەندێ ژی وەکر زەحمەتیەک ل نک قوتابیان دروست ببیت.
ناڤھاتی گۆت: “ئەڤ بڕیارە سالانە دێ ھێتە ب جھئینان د ناڤا زانکۆیا زاخۆ دا، بەلێ ب وی مەرجی ئەو قوتابی د وان وانێن پێ کەفتی، ئانکو پەرینەوە، وەکو ھەموو قوتابیێن دیتر ب وێ وانێ ئامادەبیت و ئاسایی وێ وانێ دەرباز بکەت، ئەگەر وەزارەتا خواندنا بلند و ڤەکۆلینێن زانستی نەبیتە رێگر، ئەڤ چەندە دێ بۆ سالێن بھێت ژی ھێتە ب جھئینان”.