زمان ستوون و ناسنامەیا هەر ملەتەکی یه
محەمەد مراد
د ناڤ گەل و مللەتێن جیهانێ دا، کورد وەكو نەتەوە دهێنه نیاسین، ژ بەر هۆکارێن مێژوویی و سیاسی، پتر ژ هەموو نەتەوەیێن دن دهێنه نیاسین د پێدڤی ب زمانێن بیانی فێر ببن و بکاربینن بئاخڤن، ئەڤە نە ژ حەز و ڤیان و خواستەكانە، بەلکو ژ بەر دابەشبوونا کوردستانێ و ژیانکرنا کوردان ل ژێر دەستهەلاتێن جودا بوو، کوردستان پشتی شەڕێ جیهانی یێ ئێکێ ل سەر چار دەولەتان هاتن دابەشکرن (تورکیا، ئیراق، ئیران و سووریا) دابەش بوو. هەر پارچەکا ژ کوردستانێ کەفته ل ژێر سیستەمەکێ زمانەكێ فەرمی یێ جودا، ئەڤە بوو ئەگەرێ هندێ ئەو کورد ناچار بن زمانێ فەرمی یێ وه لاتی بشاخڤن و فێر ببن، پەیڤان، خواندنێ، ژبۆ رێڤەبرنا ژیانا ڕۆژانە دا دبن ده ستیێ دا، زۆر ژ کوردان و تایبەتی ئەوێن ل سنووران یان ل دەرڤەی وەلاتێ خۆ ژیان دکەن، دشێن دو ـ سێ یان هەتا چار زمانان باخڤن، ل تورکیا، پڕانیا کوردان زمانێ تورکی دزانن، ل ئیراقێ عەرەبی، ل ئێرانێ فارسی و ل سووریا عەرەبی. هەروەسا، ژ بەر کۆچکرنێ و خوێندنا زانکۆیێ، گەلەک کورد ب ئینگلیزی، ئەلمانی، فەرەنسی یان سوێدی، بەلجیکی نەرویجی ژی فێر بوون و دئاخڤن، ئەڤ شیانێن زمانی دەرفەتەکا باشه بۆ گرێدانا پەیوەندی و گەشەکرنا زانستی و ئابوورییە، بەلێ ژ لایەکێ دی ڤە ژ ئەنجامێن سیاسەتێن زۆردار و نەبوونا دەولەتەکا سەربەخۆ کوردی، ئەگەر کوردان دەولەتا خۆ هەبا ل گەل پاراستنا زمانێ کوردی، پێدڤی نەبوو فێربن و ئاخفتنا وان هەمی زمانان وەك ناچاریێ و زۆری نەدما، زمانزانی ب خۆ دەولەمەندی یە، بەلێ فەره زمانێ دایکێ ل بەراهییا زمانێن دی دابنیت، بۆ مافێ ژیانێ زمانێن دیتر فێر ببت، ئەڤ پرسە نهتنێ زمانه بەلکو پرسەکا مافێ نەتەوەیی و ناسنامەییە. ل ڤی سەردەمی دا ئەرکێ هەر کوردەکێ یه، ل گەل فێربوونا زمانێن جیهانێ، زمانێ کوردی ژی بپارێزێت، بخوینێت، بنڤیست و بۆ نەڤیێن دا هاتی بپارێزێت. چونکی زمان، ستوون و ناسنامە و مێژوویا هەر مللەتەکێ یه.
