زێباری: چه‌ند رۆژێن بهێت، عیراق دێ بۆدجێ هه‌رێما كوردستانێ هنێریت
ئه‌ڤرۆ نیوز: ڤه‌ده‌ر ره‌شاڤایی:
هشیار زێباری وه‌زیرێ داراییا حكومه‌تا ئیراقێ راگه‌هاند دێ حكومه‌تا ئیراقێ د ماوێ چه‌ند رۆژێن بهێت یێن كێمدا موچه‌یێن هه‌رێمێ هنێریته هه‌ولێرێ، و ئه‌و ده‌نگۆ ره‌تكرن یێن باسێ ژناڤچوونا رێكه‌فتنا په‌ترۆلێ یا هه‌ولێر و به‌غدا دكر.
زێباری بۆ ئاژانسا رۆیته‌رز راگه‌هاند كو گیرۆكرنا هنارتنا 1 ملیار دۆلاران ژ به‌غدا بۆ هه‌ولێرێ به‌رامبه‌ر په‌ترۆلا هه‌رێمێ ژ ئه‌گه‌رێ قه‌یرانا ئابوری بوویه و چ ئه‌گه‌رێن سیاسی ل پشت نه‌بووینه و هه‌ردو ئالی هێشتا پێگیری رێكه‌فتنێ نه .
زێباری رازینه‌بوو كۆژمه‌یێ ده‌ستنیشانكریێ كو دێ چه‌ند رۆژێن بهێت هێته هنارتن ئاشكرا بكه‌ت.
