زێده‌ترى پێنج هزار كوردێن فه‌يلى بۆ شه‌رێ دژى داعش ليوايه‌ك پێكئينايه
ئه‌ڤرۆ نيوز:
جڤاتا بلندا كوردێن فه‌يلى راگه‌هاند ئه‌ڤرۆ رۆژا ئێكشه‌مبى راگه‌هاند كو هژمارا خۆبه‌خشێن وان د ليوا كوردێن فه‌يلى دا ژ بۆ شه‌رێ دژى چه‌كدارێن داعش ژ پێنج هزار كه‌سان يا بۆرى.
د به‌ياننامه‌كێ دا، جڤاتا بلندا راگه‌هانديه: “ژمارا خۆبه‌خشێن كوردێن فه‌يلى د ناڤ ليوا كوردێن فه‌يلى دا گه‌هشتيه زێده‌ترى پێنج هزار كه‌سان و ل سه‌ر ميحوه‌رێن شه‌رى هاتينه به‌لاڤكرن بۆ ده‌ڤه‌رێن بن ده‌ستێ چه‌كدارێن داگيركه‌رێن چه‌په‌ل”.
هاتيه ژى: “ئه‌م شانازيێ ب وێ چه‌ندێ دكه‌ين كو ل گه‌ل حه‌شه‌د شه‌عبى نه و وان هه‌موو ده‌نگويێن ب خرابى يێن ل دژى ڤێ هێزێ ره‌تدكه‌ين و ب ده‌نگويێن پشته‌ڤان بۆ داعش و هه‌ڤپه‌يمانێن وێ ب ناڤ دبه‌ين”.
زێده‌تر هاتيه: “پێكهاتێن توركمانى و مه‌سيحى و ئێزدى و شه‌به‌ك هێزێن خوه يێن خۆبه‌خش ژ حه‌شه‌د شه‌عبى يا پاله‌وان يێن چێكرين و چو ئاخفتن بۆ نه‌هاتينه، رێ ناده‌ين ژى كه‌س چو تشتێ نه د رێزێ دا بۆ پێكهاتێ مه ژى يێ بن ده‌ست ببێژيت”.
كۆمه‌لا كوردێن فه‌يلى ل خزيرانا بۆرى هێزه‌كا چه‌كدار يا كوردان راگه‌هاند بوو ژ بوو پشته‌ڤانيا هێزێن ئه‌منى د شه‌رێ خوه يێ دژى چه‌كدارێن تيرۆرستى دا.
