زێدەتر ژ شەرێ داعشێ کورد ل بەغدا ھاتینە کوشتن و رەڤاندن
ئەڤرۆ ،رەمەزان ھەرنی:
جێگرێ سەروکێ فراکسونا پارتێ دیموکراتی کوردستان و ئەندام لێژنەیا ئاسایش و بەرەڤانیێ ل پەرلەمانێ عیراقێ دیار کر کو رھەرەشەیا کوشتنا کوردان ل بەغدا زێدەتر دبیت ھەتا خوە وەلاتیێن کورد نەشێن ب ئازادانە ھاتن و چوونێ بکەن.
شاخەوان عەبدولا جێگرێ سەروکێ فراکسونا پارتی دیموکراتی کوردستان و ئەندام ل لێژنەیا ئاسایش و بەرەڤانیێ ل پەرلەمانێ عیراقێ بۆ ئەڤرۆ نیوز گۆت: ( چەندین سالە ل عیراقێ بزاڤێن وێ چەندێ دھێنە کرن دەنگێ کوردا نەھێلن ب رێیا ھێرش کرنە سەر بارەگایێن راگەھاندنێ و مەرەم ژی ئەوە کو کورد چو بزاڤا نەکەن ل بەغدا)
زێدەتر گۆت: (سالا ٢٠١٥ ێ ٤٢٥ کەس ھاتینە رەڤاندن و ٨٧٥ کەس ھاتینە کوشتن , سالا ٢٠١٦ ژی ٣٥٤ کەس ھاتینە رەڤاندن و ٨١٥ ھاتینە کوشتن , سالا ٢٠١٧ ل شەش مەھێن دەسپێکا ئەڤ سالە ھەیا نھا ٢٠٠ کەس ھاتینە رەڤاندن و ٢٠٠ کەس ھاتینە کوشتن , رێژەکا بەرچاڤا کوردان دناڤ ڤان کوشتی و رەڤاندیان دا ھەیە ھندەک لسەر بابەتێ پارەی دھێنە کوشتن و رەڤاندن وەک بازرگان ھندەک ژی لسەر بابەتی ئاینی و مەزھەبی و سیاسی , رێژەکا بەرچاڤا مەسیحیا بوینە قوربانی ل عیراقێ)
جێگرێ سەرۆکێ فراکسوونا پارتی د درێژاھیا ئاخفتنێن خودا دیارکر ژی کو چەندین سکالا ژلایی َکەس و کارێن کوردان ھاتینە تومارکرن بو دوڤچوون لسەر کوشتن و رەڤاندنا کەس و کارێن وان و زێدەتر گۆت: (٨٠% کوشتن و رەڤاندن و ھەرەشە ل بەغدا ھاتینە تومارکرن و داخوازێ ل روژنامەڤانێن کورد و فەرمانبەرێن کورد دکەم ل بەغدا کێم ھاتن و چونێ بکەن)
