ساخلەمیا دهۆکێ هۆشداریێ ددەتە وەلاتیان
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆكێ هۆشداریێ ددەتە وەلاتیان و دیار دکەت کو ژ دوهی رۆژا سێشەمبیێ ل پارێزگەها دهۆكێ(7) حالەتێن نوو یێن ڤایرۆسێ كورۆنایێ هاتنە تۆماركرن و ئەو هەموو كەسە نها ل نەخوەشخانا تایبەت دانە یا نەخوشیا ڤایرۆسێ كورۆنایێ ل دهۆكێ.
رێڤەبەریا ساخلەمیا پارێزگەها دهۆكێ د ئاگەهداریا خوە دا دوپاتی ل وێ چەندێ كریە ئەو (7) كەسێن هاتینە توماركرن ب ڤایرۆسێ كورۆنایێ، ئەوان كەسان (هاتنوچوون) ل ناڤا باژێری دا ئەنجام دایە و هەر دیسان ئەوان كەسان چەند سەرەدان ژی ئەنجام داینە.
ساخلەمیا دهۆكێ د ئاگەهداریا خو دا هوشداریێ ددەتە خەلكی كو فەرە هشیاری رەوش و ساخلەمیا خوە بن ژ بەر كو ئەوان كەسان هاتنوچوونا ئەنجام دای ناڤا باژێری دا، لەورا فەرە خەلك زور پێگیری رێنمایان بیت تا كو چ مەترسی ل سەر ژیانا وان دروست نەبیت.
