ساخلەمیا عیراقێ: 535 كه‌س قوربانيێن ئه‌ردهه‌ژا شڤێدى بوون
ئەڤرۆ نیوز ، نەوزاد ھلۆری:
وەزارەتا ساخلەمیا عیراقێ دیارکر کو ژ ئەنجامێ ئه‌ردهه‌ژا شەڤا بوری ل عیراقێ 535 کەس بووینە قوربانی ژ وانان ھەشت کەسان گیانێ خوە ژ دەست دایە.
د. سەیف بەدر ئاخفتنکەرێ وەزارەتا ساخلەمیا عیراقێ دیارکر کو ژ ئەنجامێ ئه‌ردهه‌ژا شەڤا بوری 535 کەس بووینە قوربانی ژ وانان ھەشت کەسان گیانێ خوە ژ دەست دایە و ئەوێن دن بریندار بووینە و گۆت: (ھەموو قوربانیێن روودانا ئه‌ردهه‌ژێ ل ھەرێما کوردستانێ بووینە ل پارێزگەھا سلێمانێ و دەربەندیخان و جەلەولا، ھەروەسا 321 کەس ل کوردستانێ بریندار بووینە و 170 کەس ل دیالە و 44 کەس ژی ل کەرکووک).
زێدەتر گۆت: (وەکو وەزارەتا ساخلەمیا عیراقێ ھەموو پێرابوونێن پیدڤی بۆ ساخلەمیا خەلکی گرتینە بەر بۆ ھەر پێدڤی و روودانەکا نەخواستی و دێ ب ھووری سەحا رەوشێ کەین و مە پەیوەندی ل گەل فەرمانگەھێن ساخلەمیێن ھەموو باژێران ھەنە).
