سایتەکێ ئەمریکی: ئەمریکا بزاڤا ژبیرکرنا سەربەخوەیا کوردان دکەت
ئەڤرۆ نیوز، ئەیاد بەرواری
سایتەکێ ئەمریکی د راپۆرتەکا خوە دا دبێژیت ھژمارا کوردان زێدەتر ژ ٤٠ ملیۆن کەسانەل ھەموو جیھانێ و رەخنێ ل جڤاکێ نێڤدەولەتی ژی دگریت کو گرنگیێ ب پێکئینانا وەلاتەکێ بۆ ڤی نەتەوەی نادەت.
سایتێ (میترو جکسوفیلی) د بەرھەڤکرنا وێ راپۆرتا خوەدا پشت بەستن ب ٧٠ ژێدەران کریە ھەتا گەھشتیە وێ ھژمارێ و ئاماژێ ددەت کو ھژمارا کوردان ل سالا ٢٠١٥ ێ ل ھەموو جیھانێ یا گەھشتیە ٤١ ملیۆن کەسان.
سایتێ ئەمریکی دیار دکەت ژی کو وەلاتێن تورکیا و ئیران و عیراق و سووریێ سەرەدەریێ ب سامانێن کوردان دکەن ب ڕێیا حوکمەتێن ناڤەندی ل وان وەلاتان.
دبێژیت ژی “چو نەتەوە ل جیھانێ وەکو کوردان تووشی پشت گوە ھاڤێتنێ نەبووینە”. د ھەمان دەم دا رەخنێ ل حوکمەتا ئەمریکی ژی دگریت، ژبەر کو رەفتارێ ل گەل کوردان وەکو (رۆبۆت) دکەت کو پلانێن وان دژی داعشێ بجھبینن ، د بەرامبەر دا بزاڤا ژبیرکرنا سەربەخوەییا وان دکەت.
