ستایلێ من یێ شەهیانا یە
بێوار حەمدی:
سترانبێژێ گەنج (رەمەزان مزیری) کو نوکە ل وەلاتێ بریتانیا دژیت د دیدارەکێ دا بۆ ڕۆژناما ئەڤرۆ گۆت: هەر ژ سالا 2018 من دەست ب سترانگۆتنێ کرلێ پشتی بوورینا دوو سالان ئەز چوومە دەرڤەی وەلاتی، مامێن من سترانبێژبوون و ل باژێڕێ مووسل دبەرنیاسبوون، ژ بەر ڤێ چەندێ ژ بچووکاتیا خوە من پڕوڤە دگەل مایکێ کرن و هەتا کو گەهشتیمە ستودیۆیێ و شیایم د ناڤ شەهیانان دا سترانان بێژم، ئەڤە ددەمەکی دایە کو ئەز سترانان ب زمانێ کوردی وعەرەبی دبێژم و ستایلێ من بەهرا پتر یێ شەهیانایە لێ سترانێن نورمال ژی دبێژم.
رەمەزانی ئەو چەندە ژی دا زانین ژ بەر کو ژ دەرڤەی وەلاتی پتر ئاهەنگ هەنە و داهاتێ وان ژی باشترە، ئانکو دشێم بێژم ل کوردستانێ بەرنیاس بوون یاب ساناهیە لێ پارە نینە و ژدەرڤە بەروڤاژیە و گۆت: هەتا نوکە من دوو بەرهەم هەنە و من دوو ستران نووکرینە، سەرەرایی ڤێ چەندێ من کلیپەک ب عەرەبی و دوو ژی ب کوردی هەنە، سترانبێژ دشێت ب کەسایەتیا خوە یا جوان و دەنگێ خوە یێ خوەش دگەل بەردەوام نوویاتیان پتر سەرنجا خەلکێ بۆ خوە ڕاکێشیت، لەوما ئەز ژی ل سەر کارێ خوە یێ ستزانگۆتنێ بەردەوامم و حەزکرنا خودێ بۆ داهاتی ژی سترانێن خوەش ب زمانێ کوردیێ شرین د ڕێ دا هەنە.
