سترانا تەمەن پەیامەكە بۆ رازیبوون ب پیراتیێ
رەمەزان زەكەریا
هونەرمەندێ بەرنیاسێ كورد (نەجمەدین غولامی) ددیدارەكێ دا بۆ رۆژنامەیا ئەڤرۆ گۆت: من نووترین سترانا خۆ ب ناڤێ (تەمەن) ب شێوازێ ڤیدیۆ كلیپ بەلاڤكر و من بزاڤ كرینە پەیڤ و ئاوازا ڤێ سترانێ ب شێوەیەكی بیت كو هەر گوهدار و بینەرەك بشێت خۆ د ناڤ وێ چیرۆكێ دا ببینیت و هەست بكەت كو ئەڤ سترانە بەحسێ ژیانا وی ب خۆ دكەت.
هەروەسا گۆت: سترانا تەمەن ژ پەیڤێن (مازیار فایەق) و ئاوازا منە، هەروەسا ئەنجامدانا كارێن ئامادەكرن و دابەشكرنا مۆزیكێ ژ لایێ (زامیار نامۆ) ڤە هاتییە بەرهەڤكرن، ناڤەڕۆكا سترانێ ل سەر وێ ڕاستیێ هاتییە داڕشتن كو هەموو مرۆڤ ب بێ جوداهی د قۆناغێن تەمەنی دا دەرباز دبن و دگەهنە قۆناغا پیریێ، ستران پەیامەكا زەلال هەیە ئەو ژی ئەوە كو نابیت پیریێ وەك دووماهی ببینین قۆناغەكە پڕ ژ ئەزموون، بیرهاتن و زانینێ، هەر ژیەكێ جوانی و تایبەتمەندیا خۆ هەیە ژیێ پیریێ ژی هەژی ڕێز و گرنگی پێدانێ یە.