سزادايه‌كێ دادگه‌ها دهۆكێ ل سلێمانيێ هاته ده‌سته‌سه‌ركرن
ئه‌ڤرۆ نيوز:
ل سلێمانيێ تۆمه‌تباره‌ك ده‌سته‌سه‌ركر كو پێشتر ل دهۆكێ ژ لايێ دادگه‌هێ ڤه بێ ئاماده‌بوونا خوه، دو سالان بڕيارا زيندانكرنێ بۆ ده‌ركه‌فت بوو.
پشكا په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها سلێمانيێ راگه‌هاند كو مه‌فره‌زه‌كا بنگه‌هێ پۆليسێن سه‌رچنار شه‌ش تۆمه‌تبار ده‌سته‌سه‌ركرن كو ئێك ژ وان تۆمه‌تباران سزايێ دو سالان زيندان بێ ئاماده‌بوون ل دادگه‌ها دهۆكێ هه‌بوويه و پێنج تۆمه‌تبارێن دژى ته‌قه كريه.
پشتى وێنه‌ك ل بڕيارا سزايێ تۆمه‌تبار (ش. ا. ع) ژ لايێ دادگه‌ها دهۆكێ گه‌هشتيه ده‌ستێ رێڤه‌به‌ريا پۆليسێن پارێزگه‌ها سلێمانيێ، بنگه‌هێ پۆليسێن سه‌رچنار راسپارد ب ده‌سته‌سه‌ركرنا تۆمه‌تبارى.
هێزێن پۆليسان ڤه‌كۆلين ده‌ستپێكرن و شيان ل 15ى خزيرانا 2019ێ تۆمه‌تبارێ ناڤبرى ژ لايێ مه‌فره‌زێن بنگه‌هێ پۆليسێن سه‌رچنار ڤه ده‌سته‌سه‌ركر كو سزايێ دوسال زيندان بێ ئاماده‌بوونا خوه ل دادگه‌ها دهۆكێ هه‌بوو ب گۆره‌ى ماددێ 456 ژ قانوونا سزايێن عيراقى.
