سعوديێ ل سالا 1966 پشته‌ڤانيا پێكئينانا حوكمه‌ته‌كا كوردى ل عيراقێ كريه
ئه‌ڤرۆ نيۆز:
سه‌رۆكێ به‌رێ يێ يه‌مه‌نێ عه‌لى عه‌بدوللا سالح، نامه‌كا نهينى يا شاهێ به‌رێ يێ سعوديێ فه‌يسه‌ل كورێ عه‌بدولعه‌زيزى به‌لاڤ دكه‌ت كو تێدا داخواز ژ سه‌رۆكێ ئه‌مريكى يێ وى ده‌مى ليندۆن جونسۆن كريه پشته‌ڤانيێ ل سه‌ركردێ كوردى مسته‌فا بارزانى بكه‌ت بۆ پێكئينانا حوكمه‌ته‌كا ل كوردستانا عيراقێ.
ناما نهێنى يا شاهێ وه‌غه‌ركرى يێ سعوديێ دزڤريت بۆ مه‌ها كانوونا ئێكێ 1966 تێدا چه‌ند پێشنيازا دده‌ته سه‌رۆكێ ئه‌مريكا يێ وى ده‌مى ژبۆ گره‌نتيكرنا پاشه‌رۆژێ وسه‌قامگيريا ده‌ڤه‌رێ ونه‌هێلانا مه‌ترسيێن ل سه‌ر سعوديێ.
دئێك ژ پێشنيازێن شاهێ سعوديێ داخوازكريه هاريكاريا مسته‌فا بارزانى بهيته كرن بۆ پێكئينانا حوكمه‌ته‌كا كوردى ل باكوورێ عيراقێ وئاشكراكريه كو ل سالا پێشتر (ئانكو 1965) سعوديێ هاريكاريا شۆره‌شا ئه‌يلوولێ يا كوردستانيان ب چه‌ك و پاره‌ى كريه ب رێيا توركيا وئيرانێ.
هه‌ردوێ نامێ دا، شاه فه‌يسه‌ل، پشته‌ڤانيكرنا كوردان ب هوكارێ سه‌قامگيريا ئاسايشا باكوورێ سعوديێ دزانيت.
