سكرتێرێ جڤاتا وه‌زيران:ئێدێ هێجه‌تا راگرتنا پله‌بلندكرنا فه‌رمانبه‌ران نامينيت
ئه‌ڤرۆنيوز:
سكرتێرێ جڤاتا وه‌زيرێن هه‌رێما كوردستانێ راگه‌هاند، قانوونا بودجا هه‌رێما كوردستانێ يا سالا 2019 يا هاتيه ئاماده‌كرن وب په‌سه‌ندكرنا وێ، چو هێجه‌ت بۆ راگرتنا پله‌بلندكرنا فه‌رمانبه‌ران نامينيت.
ئامانج ره‌حيم، سكرتێرێ جڤاتا وه‌زيرێن هه‌رێما كوردستانێ ل به‌رپه‌رێ خوه ل سه‌ر تۆرا جڤاكى يا فه‌يسبووكى به‌لاڤكر” ب ده‌ركرنا قانوونا بودجا گشتى يا هه‌رێما كوردستانێ بۆ سالا دارايى 2019 كو نوكه هه‌ردو وه‌زاره‌تێن دارايى وپلاندانانێ مژوولێ ئاماده‌كرنا ره‌شنڤيسا وێ نه، هێجه‌تا راگرتنا پله‌بلندكرنا فه‌رمانبه‌رێن شارستانى نامينيت”.
گۆت ژى” ئومێد ئه‌وه ئه‌و قانوون بهێته هنارتن بۆ جڤاتا وه‌زيران وببيته كارێ سه‌ره‌كى يێ خۆلا داهاتى يا په‌رله‌مانێ كوردستانێ”.
خوياكر ژى” ئێدێ هێجه‌تا راگرتنا پله‌بلندكرنا فه‌رمانبه‌رێن شارستانى نامينيت ژئه‌گه‌رێ نه‌بوونا خشتا پلا وه‌زيفى يا په‌سه‌ندكرى ل بودجه‌ى”.
دووپات كر ژى” ب هه‌ردو قانوونێن راژا شارستانى هژمار 24 يا سالا 1964 وقانوونا مووچێ فه‌رمانبه‌رێن ده‌وله‌تێ هژمار 22 يا سالا 2008 پله‌بلندكرن (الترفيع) وه‌كو مافه‌كێ فه‌رمانبه‌رى يێ هاتيه جهگيركرن.”.
