سكرتێرێ جڤاتا وه‌زيران:پرۆژێ بودجا عيراقێ لگه‌ل به‌رژه‌وه‌نديێن هه‌رێمێ ئێك ناگريت
ئه‌ڤرۆنيوز:
سكرتێرێ جڤاتا وه‌زيرێن هه‌رێما كوردستانێ ئامانج ره‌حيم ل سه‌ر به‌رپه‌رێ خوه يێ فه‌يسبووكى راگه‌هاند، ئه‌ڤرۆ پرۆژێ بودجا گشتى يا عيراقێ بۆ سالا 2019 وه‌كو پرۆژه قانوون د كۆمبوونا جڤاتا وه‌زيرێن عيراقێ دا هاته په‌سه‌ندكرن وهنارتن بۆ په‌رله‌مانێ عيراقێ.
سكرتێرێ جڤاتا وه‌زيرێن هه‌رێمێ گۆت ژى” پرۆژه قانوونا بودجا 2019 يا عيراقێ ل گه‌ل به‌رژه‌وه‌نديێن هه‌رێما كوردستانێ ئێك ناگريت”.
ناڤبرى ئاماژه ب مه‌ترسيێن وى پرۆژه قانوونێ كر وگۆت”هه‌كه دناڤ په‌رله‌مانى دا بابه‌ت بكه‌ڤيته به‌ر پرسا زۆرينه وكه‌مينه، دێ بۆ نوونه‌رێن كورد ل په‌رله‌مانێ عيراقێ هه‌مبه‌ركرن ل گه‌ل قۆناغا ره‌شنڤيسا بودجه‌ى ل وه‌زاره‌تا دارايى به‌رپرسياره‌تيه‌كا گران وزه‌حمه‌ت بيت”.
رۆهنكر ژى” ب گۆره‌ى په‌يره‌وێ ناڤخوه، په‌رله‌مانێ عيراقێ مافێ راستڤه‌كرنا هژمارا خشتێن ته‌رخانكريێن خه‌رجيێن بودجه‌ى نينه، له‌وما ته‌نها بژاره هنارتنا پرۆژه قانوونا بودجه‌يه بۆ جڤاتا وه‌زيران”.