سلێمان رەمەزان بۆ راھێنەرێ ئێکێ یێ ھەلبژارتیێ کوردستانێ
ئەڤرۆ:
کورێ باژێرێ دھۆکێ و راھێنەرێ یانا زێرەڤانی سلێمان رەمەزان ھاتە دەست نیشانکرن بۆ ئەرکێ راھێنەریا ھەلبژارتیێ ھەرێما کوردستانێ یێ تەپا پێ بۆ یاریا ھەڤالینی ل گەل ھەلبژارتیێ ھەرێما ئیرلان ڤالین یا ئیرلەندی کو بڕیارە 17\3\2015 ل وەلاتێ ئیرلەندا بھێتە کرن.
سەلام حسێن سکرتێرێ ئێکەتیا تەپا پێ یا ھەرێما کوردستانێ بۆ رۆژناما ئەڤرۆ دیار کر کو ژبەر ئەو ئەنجامێن سەرکەفتی یێن ناڤبری ل وەرزێ ئەڤ سالە و وەرزێن بۆری ل گەل تیما خوە ب دەستڤە ئیناین ئەڤ بڕیارە ھاتیە دان و گۆت: “ئەرسەلان جەمال راھێنەرێ یانا نەورۆز دێ ھاریکارێ وی بیت”.
