سندووقێن ده‌نگده‌رێن هه‌رێما كوردستانێ ل به‌غدا نه‌هاتينه سوتن
ئه‌ڤرۆنيوز:
رێڤه‌به‌رێ ئۆفيسا هه‌ولێرێ يا كۆمسيۆنا بلند يا هه‌لبژارتنان ل عيراقێ راگه‌‌هاند، سندووقێن ده‌نگده‌رێن كوردستانێ ل به‌غدا ب سلامه‌تن ونه‌هاتينه سوتن ول سه‌نته‌ره‌كێ پيشانگه‌ها نێڤده‌وله‌تى يا به‌غدا هاتينه هه‌لگرتن.
عه‌لى قادر، رێڤه‌به‌رێ ئۆفيسا هه‌ولێرێ يا كۆمسيۆنا هه‌لبژارتنێن عيراقێ ، ل دووڤ مالپه‌رێ كوردستان تى ڤى گۆت ” چو سندووقێن ده‌نگدانێ يێن هه‌رێما كوردستانێ ل عومبارا وه‌زاره‌تا بازرگانى نه‌بوون، كو ل ئێڤاريا رۆژا ئێكشه‌مى ئه‌و عومباره تووشى سوتنێ بووى”.
دياركر” هه‌كه بريارا هژمارتنا ده‌نگان ب ده‌ست چو بوارێ بجهئينانێ، دێ هه‌مان كارمه‌ندێن بنگه‌هێن ده‌نگدانێ پرۆسا هژمارتنا ده‌نگان ب ده‌ست ئه‌نجامده‌ن”.
ل دۆر بريارا ره‌تكرنا ده‌نگدانا تايبه‌ت يا پێشمه‌رگه‌ى وهێزێن ئه‌منى يێن هه‌رێما كوردستانێ، كو په‌رله‌مانێ عيراقێ ده‌ركربوو، عه‌لى قادر گۆت” چو قانوونه‌ك نينه پرۆسه‌كا ده‌نگدانێ ره‌ت بكه‌ت”.