سه‌خبێركرنا به‌نداڤا مووسل ب كۆمپانیيه‌كا ڤی وه‌لاتی هاته دان
ئه‌ڤرۆ نیوز: ڤه‌ده‌ر ره‌شاڤایی:
حكومه‌تا ئیراقێ بریار دا هه‌ڤبه‌ستا سه‌خبێركرن و پاراستنا به‌نداڤا مووسل ب كۆمپانیا (Trevi) یا ئیتالی بده‌تن .
د به‌یاننامه‌كێ دا حكومه‌تا ئیراقێ راگه‌هاند كو پشتی رازیبوونا وه‌زاره‌تا ژێده‌رێن ئاڤێ، وان هه‌ڤبه‌ستا نووژه‌نكرنا زیانێن ب به‌نداڤا مووسل كه‌فتین دا كۆمپانییا (Trevi) یا ئیتالی، لێ كوژمێ مه‌زاختنێ ئاشكرا نه‌كر.
لدووڤ شاره‌زایان بته‌مامبوونا ئاڤاكرنا به‌نداڤا مووسل ل سالا 1984 به‌نداڤ ل سه‌ر ئاخه‌كا موكوم نه‌هاتیه دانان، له‌ورا ئاڤ ببه‌رده‌وامی كاریگه‌ریێ ل بنیاتێ وێ دكه‌ت و پێدڤی ب سه‌خبێرییه‌كا به‌رده‌وامه، لێ ل ده‌مێ كه‌ڤتییه بن ده‌ستهه‌لاتا داعش ئه‌و سه‌خبێری وه‌ك پێدڤی وه‌رنه‌دگرت، هه‌تا ژ ئالیێ پێشمه‌رگێن كوردستانێ ڤه هاتیه رزگاركرن.
