سه‌در داخوازا ده‌ستبه‌رداربوونا چه‌كى ژ گرۆپێن چه‌كدار دكه‌ت
ئه‌ڤرۆ نيوز:
رێبه‌رێ ته‌ڤگه‌را سه‌در، داخوازێ ژ وه‌زاره‌تا ناڤخۆ يا عيراقێ دكه‌ت باژێرێ سه‌در ژ چه‌كى راماليت و راده‌ستى ده‌وله‌تێ بكه‌ن.
موقته‌دا سه‌در، رێبه‌رێ ته‌ڤگه‌را سه‌در، د به‌ياننامه‌كێ دا داخوازێ ژ هێزێن عيراقى و وه‌زاره‌تا ناڤخۆ دكه‌ت كو پشتى جه‌ژنا ره‌مه‌زانێ هه‌وه‌كێ ده‌سپێكه‌ن بۆ راگه‌هاندنا باژێرێ سه‌در ب باژێره‌كێ ژ چه‌كى هاتيه پاقژكرن و پاشان ئه‌وێ ئه‌زموونێ ب سه‌ر هه‌موو ده‌ڤه‌رێن دى دا ب سه‌پينن.
سه‌در ب به‌ياننامێ دا گۆتيه: “د چارچۆڤێ ب هێزكرنا عيراقێ و ب تايبه‌ت هێزێن سۆپا و پۆليسان، داخوازا ده‌سپێكرنا هه‌وا وه‌رگرتنا چه‌كى و راده‌ستكرنا وى ب ده‌وله‌تێ دكه‌م”.
سه‌در بۆ لايه‌نگرێن خوه ژى گۆتيه: “دڤێت هوون هه‌موو بڕيارێ ب جهـ بينن و ئاسته‌نگان ل به‌ر سينگێ ڤى پرۆژه‌ى دروست نه‌كه‌ن و بێ چو ئه‌گه‌ر چه‌كێن خوه راده‌ست بكه‌ن، چونكو ل ده‌ف خوينا عيراقيان ژ هه‌موو تشته‌كى ب بهاتره”.
شه‌ڤا 6ى خزيرانا 2018ێ دو په‌قين ل ده‌ڤه‌را سه‌در روودان و ب گۆره‌ى ئامارێن وه‌زاره‌تا ساخله‌ميێ دو كه‌س هاتنه كوشتن و نێزيكى 100 كه‌سان ژى بريندار بوون.