سه‌ربازه‌كێ بریتانی له‌شكرێ وه‌لاتێ خوه دهێلیت دا بگه‌هیته پێشمه‌رگه
ئه‌ڤرۆ نیوز، ڤه‌ده‌ر ره‌شاڤايى
كه‌نالێ سكای نیۆز یێ بریتانی راپۆرته‌ك به‌لاڤ كریه لسه‌ر سه‌ربازه‌كێ بریتانی یێ 19 سالی كو بنگه‌هێ خوه یێ سه‌ربازی ل بریتانیا هێلایه و بۆ كوردستانێ گه‌شت كریه دا بگه‌هیته رێزێن پێشمه‌رگه ل هه‌رێما كوردستانێ و شه‌ری دژی داعش بكه‌ت.
ڤی سه‌ربازی كو ناڤێ وی نه‌هاتیه ئاشكرا كرن برێیا نامه‌كێ خێزانا خوه ئاگه‌هداركریه كو ئه‌و یێ ژ بریتانیا ده‌ركه‌ڤتی دا بگه‌هیته رێزێن هێزێن پێشمه‌رگه‌ی و دێ ساله‌كێ ل هه‌رێما كوردستانێ بوورینیت.
ژ ئالێ خوه ڤه په‌یڤداره‌كێ وه‌زاره‌تا به‌ره‌ڤانیا بریتانیا خویاكر كو ئه‌و هایدارن ژ ڤان راپۆرتان و دێ لێكولینا لسه‌ر كه‌ن.
تێ زانین وه‌زاره‌تا پێشمه‌رگه به‌روه‌خت راگه‌هاندبوو كو گه‌له‌ك كه‌سێن بیانی داخاز كریه شه‌ری بكه‌ن دناڤ هێزێن پێشمه‌رگه‌ی دا دژی داعش.
