سه‌ربه‌ست تروانشى: داعش دڤیا ب کەمەرێن مینرێژکری ھێرشێ بکەتە سەنگەرێن پێشمەرگەی
ئەڤرۆ نيوز:
ژمارەیەکا خۆکوژێن چەکدارێن داعش کو کەمەرێن مینرێژکری ل بەژنا خوە گرێدا بوون، ب نیاز بوون خوە نێزیکی سەنگەرێن پێشمەرگەی بکەن، لێ بەری نێزیک ببن، ھێزێن پێشمەرگەی ب چەکێ گران پیلانا وان ژناڤ بر.
سەربەست تڕوانشی سەرپەرشتیارێ میحوەرێ ناوەران یێ ھێزێن پێشمەرگەی بۆ ئەڤرۆ دیار کر دوھی ٢٤-٦-٢٠١٥ سەعەت چارێ سپێدێ ژمارەکا چەکدارێن خوەکوژێن داعش کو کەمەرێن مینرێژکری ل بەژنا خوە گرێدا بوون و گۆت “وان چەکداران دخواست ب کریارێن خوەکوژیێ ھێرشی سەنگەرێن پێشمەرگەی بکەن، لێ پێشمەرگە یێ ھشیارە و نە ھێلا ئەو نێزیکی چەپەرێن پێشمەرگەی ببن و ب چەکێ جۆراوجۆر دەست لێ ھلدان”.
تروانشی خویا ژی کر کو ب شێوێ دو گرۆپان بوو ئێک ژ ئالیێ فازلیێ سەردکەفت و یا دی ژ ئالیێ جادێ دھاتن و گۆت “ژ ئەنجامێ ژ ناڤبرنا ڤێ پیلانێ ئەو ھەمی چەکدارێن خوەکوژ ھاتنە کوشتن”.