سه‌ربه‌ست تروانشی: گه‌له‌ك ب گه‌رمی پێشوازی ل به‌ربژارێن پارتی دهێته كرن
ئه‌ڤرۆ:
به‌رپرسێ لقێ ئێك یێ پارتی دیموكراتی كوردستان ل دهۆكێ راگه‌هاند، ل سنوورێ پارێزگه‌ها دهۆكێ، پارتی دیموكراتی كوردستان، ده‌ست ب هه‌وا هه‌لبژارتنان كریه و خه‌لك ژی پێشوازیه‌كا گه‌رم ل مه دكه‌ن، به‌لێ ئه‌م د هه‌وا هه‌لبژارتنان دا ره‌وشا ساخله‌میێ ل به‌رچاڤ وه‌ردگرین، چونكی حاله‌تێن توشبوونێ ب كورۆنایێ یێن زۆر بووین.
سه‌ربه‌ست تروانشی، به‌رپرسێ لقێ ئێك یێ پارتی گۆت” به‌ری دو هه‌یڤان مه ده‌ست ب كار و به‌رهه‌ڤیان بۆ هه‌لبژارتنان كریه و هه‌وا هه‌لبژارتنان یا ب رێڤه‌دچیت و هه‌موو به‌رهه‌ڤی یێن هاتینه كرن، به‌لێ بۆ وێ چه‌ندێ د ده‌زگه‌هێن راگه‌هاندنێ ژی دا بهێته راگه‌هاندن و ده‌ستپێكرن، ئه‌و ده‌مه هێشتا یێ مای و ب دیتنا مه ده‌مه‌كێ زۆر یێ ل به‌رده‌ستێ مه هه‌ی”.
به‌پرسێ لقێ ئێك یێ پارتی دیاركر ژی” زێده‌بوونا حاله‌تێن تووشبوونێ ب ڤایرۆسَ كورۆنا و به‌لاڤبوونا وێ نه‌خوشیێ، بووینه رێگر ل ئه‌نجامدانا كۆر و كۆمبوونان، له‌وما ئه‌ڤه بوویه به‌ربه‌سته‌ك، چونكی مه‌ترسی یا هه‌ی هه‌كه خه‌لكه‌كی كۆم بكه‌ین تووشی كورۆنا ببن، له‌وما ل ده‌ف مه ژیانا خه‌لكی گرنگتره ژ هه‌موو تشته‌كی”.
سه‌ربه‌ست تروانشی زێده‌تر رۆهنكر” ئه‌م ل دووڤ ره‌وشا ساخله‌می كا یا چاوانه، ب وی شێوه‌ی هه‌وا هه‌لبژارتنان ب رێڤه‌دچیت و ره‌وشا نوكه هه‌ی گه‌له‌ك ب باشی ل به‌رچاڤ دگرین، به‌لێ هه‌ر به‌ربژاره‌ك و كادره‌ك یێن هه‌وا خوه دكه‌ت”.
هه‌روه‌سا گۆت” ده‌رگه‌هێ مه به‌رده‌وام بۆ خه‌لكی یێ ڤه‌كریه و د نوكه دا كوم ه ده‌ست ب هه‌وا هه‌لبژارتنان كریه، گه‌له‌ك ب گه‌رمی پێشوازی ل به‌ربژارێن پارتی دهێته كرن”.
