سه‌ركرده‌كێ ئێكه‌تيێ:شه‌رێ به‌رهه‌م سالحێ ل سه‌ر پۆست وداراييا ئێكه‌تيێ يه
ئه‌ڤرۆنيوز:
ئه‌ندامه‌كێ سه‌ركردايه‌تيا ئێكه‌تى نيشتمانى كوردستان ره‌خنێن توند ئاراستى به‌رهه‌م ئه‌حمه‌د سالح دكه‌ت وب وێ چه‌ندێ تۆمه‌تباركر كو ئه‌و شه‌رێ دارايى وداهاتێ ئێكه‌تيێ دكه‌ت.
شالاو عه‌لى عه‌سكه‌رى، ئه‌ندامێ سه‌ركردايه‌تيا ئێكه‌تيێ دنڤيسينه‌كێ دا ب ناڤونيشان (خه‌ونا كورسيێ وده‌ستهه‌لاتێ نه‌كو ئاڤه‌دانى)، تێدا ئاماژه ب وێ چه‌ندێ دايه كو به‌رهه‌م سالح به‌رى ژ ئێكه‌تيێ جودابيت، رابه‌رايه‌تيا بالێ ناڤه‌ندا بريارێ دكر كو ئارمانجا وى بالێ ئه‌وبوو كو ئه‌و ب خوه بريار ب ده‌ستێن ناڤ ئێكه‌تيێ بن.
شالاوى ئاشكراكر” شه‌رێ ه‌رهه‌م سالحى وئه‌وێن نوكه دناڤ ئێكه‌تيێ دا ماين، ل سه‌ر چاوانيا ب رێڤه‌برنا ئێكه‌تيێ وجۆرێ په‌يوه‌نديا دناڤبه‌را ئێكه‌تيێ وپارتى نينه، به‌لكو ل سه‌ر شوونگرتنا مام جه‌لالى يه ول سه‌ر برياردانێ يه دناڤ ئێكه‌تيێ دا ول سه‌ر ميراتێ ئێكه‌تيێ يه وپۆست وپله وداراييا ئێكه‌تيێ يه.