سه‌ركردێن 20 وه‌لاتێن زلهێز دێ ل توركيا كۆمبن
ئه‌ڤرۆ نيوز:
بڕياره ڤێ حه‌فتيێ كۆمبوونا 20 يا وه‌لاتێن زلهێزێن جيهانێ ل باژێرێ ئه‌نتاليا ب سه‌رۆكاتيا توركيا ب رێڤه بچيت، به‌رپرسێ وه‌لاتان ژى ئاماده‌يا ته‌مام يا خوه بۆ ڤێ مێڤانداريكرنا لوتكێ راگه‌هانديه.
مه‌ولود چاوشئۆغلۆ، جێگرێ سه‌رۆكێ ئاكپارتى د ڤێ ده‌ربارێ دا راگه‌هاند: وه‌لاتێ وى ل رۆژانێن 15 و 16ى چريا دويێ دێ مێڤانداريا مه‌زنترين كۆمبوونا لوتكێ يا 20 وه‌لاتێن زلهێز G20 ل باژێرێ ئه‌نتاليا يێ گه‌شتيارى كه‌ت و هه‌موو ئاماده‌سازى ب دووماهى هاتينه.
ره‌جه‌ب ته‌يب ئه‌ردوگان، سه‌رۆك كۆمارێ توركيا ب نوونه‌راتيا وه‌لاتێ خوه دێ سه‌رۆكاتيا كۆمبوونێ كه‌ت، بڕياره هه‌ر ئێك ژ باراك ئۆباما، سه‌رۆكێ ئه‌مريكا و ئه‌نگێلا مێركل، شيره‌تكارا ئه‌لمانيا و ڤلاديمێر پۆتن، سه‌رۆكێ رۆسيا د ناڤا سه‌ركردێن جيهانێ دا پشكداريێ د ڤێ كۆمبوونێ دا بكه‌ن.
