سه‌رۆكاتيا هه‌رێمێ به‌رسڤا سه‌عدى ئه‌حمه‌د پيره دده‌ت
ئه‌ڤرۆ نيوز:
ل سه‌ر داخۆيانيا سه‌عدى ئه‌حمه‌د پيره ئه‌ندامێ مه‌كته‌با سياسيا ئێكه‌تى نشتيمانى كوردستان كو به‌حس ل وێ چه‌ندێ كربوو كو ل ناڤ پارتى ديموكراتى كوردستان چه‌كدار و رێكخستنێن سه‌ر ب حه‌شه‌د شه‌عبى ڤه هه‌نه، ئاخفتنكه‌رێ فه‌رميێ سه‌رۆكاتيا هه‌رێما كوردستانێ هاته ده‌نگ و داخۆيانيه‌كا نڤيسكى به‌لاڤكر.
د ڤێ نڤيساره‌كێ دا يا ئه‌ڤرۆ نيوز دانه‌ك ب ده‌ست خوه خستى ئاماژه ب وێ چه‌ندێ كريه كو هه‌كه سه‌عدى ئه‌حمه‌د پيره پێزانينێن دروست و به‌لگه ل سه‌ر وان كه‌سێن ل سه‌ر ئه‌ردێ كوردستانێ هێزا حه‌شه‌د شه‌عبى دروستكرى هه‌بن، بلا پێشكێشى ده‌زگه‌هێن په‌يوه‌نديدار بكه‌ت دا كو پێرابوون بهێنه وه‌رگرتن.
ده‌قێ روونكرنا سه‌رۆكاتيا هه‌رێما كوردستانێ:
پشتی وێ یەکێ کو داخویانیا برێز سەعدی ئەھمەد پیرە ئەندامێ مەکتەبا سیاسی ل چەند دەزگەھەکی راگھاندنێ ھاتە بەلاڤ کرن کو قاشۆ ل ناڤ پارتیا دەمۆکراتا کوردستانێ دا چەکدار و رێخستنێن سەر ب ھەشدی شەعبی ھەیە. داخواز ل ڤی برێزی دکن کو ئەگەر زانیاریێن دروست و بەلگەیا خوەیا د دەربارێ وان کەسان دە ھەیە کو ب دروستکرنا ھێزا سەر ب ھەشدی شەعبی ل ناڤ ئاخا کوردستانێ رابوونە، ئێدی چ ل ناڤ پارتی (پدک) بێ یان ھەر ھزبەکی دین، بلا بدە دەزگەھێن پەیوەندیدار بۆ کو ئیجرااتا پێویست ل گەل وان دا بێ کرن.
د. ئومێد سەباح
پەیڤدارێ فەرمییێ سەرۆکایەتیا ھەرێما کوردستانێ
١١-٠٤-٢٠١٥
