سه‌رۆكايه‌تيا داواكاريا گشتى ل هه‌رێمێ رۆهنكرنه‌كێ به‌لاڤ دكه‌ت
ئه‌ڤرۆ نيوز:
سه‌رۆكايه‌تيا داواكاريا گشتى ل هه‌رێما كوردستانێ د رۆهنكرنه‌كێ دا راگه‌هاند، دێ پێرابوونێن قانوونى دژى وان سايت و رۆژنامان وه‌رگرين يێن ده‌نگوباسێن نه راست ل دۆر ده‌زگه‌هێ وان به‌لاڤ دكه‌ن.
د وێ رۆهنكرنێ دا هاتيه” پشتى ئاگه‌هداركرنا مه ل دۆر چه‌ند ده‌نگوباسێن نه راست كو ل هژماره‌كا سايت و رۆژنامه‌يان دا به‌لاڤبووى كو سه‌رۆكايه‌تيا داواكاريا گشتى دووڤچوونێ دكه‌ت ل سه‌ر كرينا ڤێلله‌كێ ژ لايێ سه‌رۆكێ حوكمه‌تا هه‌رێما كوردستانێ كو ل چه‌ند سايتێن ئه‌مريكى ئه‌و ده‌نگوباس هاتيه به‌لاڤكرن، ئه‌م وه‌كو سه‌رۆكايه‌تيا داواكارێ گشتى رادگه‌هينين كو ب هيچ شێوه‌كى سكالا و بابه‌تێ ژ ڤى جۆرى نه‌گه‌هشتيه ده‌زگه‌هێ مه و مه كار ژى ل سه‌ر نه‌كريه و ئه‌ڤ ده‌نگوباسانه د دوورن ژ راستيێ، ئه‌م ژى وه‌كو سه‌رۆكايه‌تيا داواكارێ گشتى دێ پێرابوونێن قانوونى وه‌رگرين به‌رامبه‌ر وان سايت و رۆژنامێن ڤان جۆره ده‌نگوباسان به‌لاڤ دكه‌ن”.
