سه‌رۆكێ ئه‌مريكا دێ پێشوازيێ ل قه‌شه برۆنسۆن كه‌ت
ئه‌ڤرۆ نيوز:
سه‌رۆكێ ئه‌مريكا راگه‌هاند كو دێ رۆژا ئێكشه‌مبى ل كوچكا سپى پێشوازيێ ل قه‌شه برۆنسن كه‌ت كو دوهى ل توركيا هاتيه ئازادكرن.
دۆنالد تره‌مپ، سه‌رۆكێ ئه‌مريكا د چارچۆڤێ پيشكداريكرن د هه‌وه‌كا هه‌لبژارتنان دا كو بۆ هه‌يڤا چريا دويێ يه كو دێ پشكه‌كا ئه‌ندامێن كۆنگرێسێ ئه‌مريكى هێنه هه‌لبژارتن، راگه‌هاند كو قه‌شه برۆنسۆن گه‌له‌ك هاتيه ئازار دان، به‌لێ نها د ره‌وشه‌كا باش دايه و ب رێڤه‌يه بۆ ئه‌مريكا و ئه‌و ژى يێ ئاماده‌يه ل كوچكا سپى پێشوازيێ لێ بكه‌ت.
سه‌رۆكێ ئه‌مريكا ئاماژه ب سه‌ركه‌فتنا ئيدارا خوه ژى كر د ڤه‌گه‌ريانا وه‌لاتيێن ئه‌مريكا بۆ وه‌لاتى دا و گۆت: د ڤێ ده‌ربارێ دا كارێ باش هاتيه كرن.
