سه‌رۆكێ فره‌نسا:پێدڤيه چو ميليشيا ل عيراقێ نه‌مينن ب حه‌شدا شه‌عبى ڤه
ئه‌ڤرۆ نيۆز:
سه‌رۆكێ فره‌نسا ئه‌ڤرۆ شه‌مبيێ دكۆنگره‌كێ رۆژنامه‌ڤانى يێ هه‌ڤپشك دا ل گه‌ل نێچيرڤان بارزانى سه‌رۆك وه‌زيرێن هه‌رێما كوردستانێ داخوازكر چو ميليشيا عيراقێ نه‌مينن.
ئێمانوێل ماكرۆن سه‌رۆكێ فره‌نسا دوى كۆنگرێ رۆژنامه‌ڤانى دا راگه‌هاند، پێدڤيه چو ميليشيايه‌ك ژى ل عيراقێ نه‌مينيت، ب حه‌شدا شه‌عبى ژى ڤه.
ماكرۆنى ئاماه ب په‌يوه‌نديێن فره‌نسا وگه‌لێ كورد كر وگۆت، ، دۆستايه‌تيا كورد وگه‌لێ فره‌نسا ديرۆكه‌كا دوور ودرێژ يا هه‌ى ول گه‌ل گه‌لێ كورد مه خه‌باتا هه‌ڤپشك دژى تيرۆرێ يا هه‌ى.
هه‌روه‌سا راگه‌هاند، پشته‌ڤانيا مافێن گه‌لێ كورد دكه‌ين دچارچۆڤێ عيراقێ دا وكوردستانه‌كا ئێك ده‌نگ دێ بيته ئه‌گه‌رێ سه‌قامگيريێ ل ده‌ڤه‌رێ وپشته‌ڤانيێ ل عيراقه‌كا ئێكگرتى وب هێز دكه‌ين.
سه‌رۆكێ فره‌نسا گۆت ژى، دكۆمبوونێ دا ئه‌نجامێ قۆناغا پشتى ريفراندۆما هه‌رێما كوردستانێ مه به‌حسكر ووه‌كو حوكمه‌ته‌كا شه‌رعى مه پێشوازى ل حوكمه‌تا هه‌رێما كوردستانێ كر.
ماكرۆنى به‌حسێ كه‌ركووكێ وحه‌شدا شه‌عبى ژى كر وگۆت، پێدڤيه مادێ 140 ل ده‌ڤه‌رێن ناكۆكى ل سه‌ر بهێته بجهئينان وپێدڤيه چو ميليشيايه‌ك ژى ل عيراقێ نه‌مينيت، ب حه‌شدا شه‌عبى ژى ڤه.
