سه‌رۆكێ فه‌ره‌نسى دێ سه‌ره‌دانا عيراقێ كه‌ت
ئه‌ڤرۆنيوز:
ده‌زگه‌هێن راگه‌هاندنێ يێن فه‌ره‌نسى ئه‌ڤرۆ پێنجشه‌مبى 1/11/2018 به‌لاڤكر كو سه‌رۆكێ فه‌ره‌نسى ئيمانوێل ماكرۆن دێ ل هه‌يڤا شوباتا 2019 سه‌ره‌دانا عيراقێ كه‌ت بۆ به‌حسكرنا چه‌ندين ته‌وه‌ران ژوان پرسا دوباره ئاڤه‌دانكرنا عيراقێ وره‌وشا چه‌كدارێن فه‌ره‌نسى دناڤ داعشێ دا. ئاماژه كر ژى كو ئه‌ڤه دێ بيته سه‌ره‌دانا ئێكێ يا ماكرۆنى بۆ عيراقێ ودێ ل گه‌ل عادل عه‌بدولمه‌هدى كۆمبيت كو هه‌لگرێ ره‌گه‌زناما فه‌ره‌نسى يه.
رۆژناما (لوفيگارۆ) يا فه‌ره‌نسى دراپۆرته‌كا خوه دا ئه‌ڤرۆ به‌لاڤكر” ماكرۆن دێ سه‌ره‌دانا عيراقێ ولوبنانێ كه‌ت ودێ بيته ئێكه‌مين سه‌ره‌دانا وى بۆ وان هه‌ردو وه‌لاتان پشتى هاتيه هه‌لبژارتن ل گۆلانا 2017 “.
وێ رۆژنامێ دياركر”سه‌رۆك وه‌زيرێن عيراقێ عادل عه‌بدولمه‌هدى ده‌مێ 30 سالان ل فه‌ره‌نسا ئاكنجى بوويه وهه‌لگرێ ره‌گه‌زناما فه‌ره‌نسى يه وهه‌تا نوكه ژى خێزانا وى ل فه‌ره‌نسا دژيت”.
