سه‌رۆكێ نوو يێ باژێرڤانيێ ب وه‌كاله‌ت يێ هاتيه دانان
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ د رێ و ره‌سمه‌كى دا ل سه‌رۆكاتيا باژێرڤانيا دهۆك ب ره‌نگه‌كێ فه‌رمى ئيحسان عوسمان وه‌كو سه‌رۆكێ باژێرڤانيێ ل جهێ شه‌وكه‌ت محه‌مه‌د ئه‌مين هاته دانان.
د داخۆيانيه‌كێ دا بۆ ئه‌ڤرۆ نيوز ئيحسان عوسمان سه‌رۆكێ نوو يێ باژێرڤانيێ گۆت: “ئه‌ز ئه‌ڤرۆ وه‌كو سه‌رۆكێ باژێرڤانيا دهۆكێ ب ره‌نگه‌كێ فه‌رمى ده‌ست ب كار بووم”.
زێده‌تر گۆت: “ده‌ست بكار بوونا من ژى ب وه‌كاله‌ته و ب راسپارده بۆ ڤى جهى هاتيمه هه‌لبژارتن”.
ل دۆر ئه‌و بابه‌تێن ئه‌و دێ د ماوێ سه‌رۆكاتيا خوه دا گرنگيێ ده‌تێ گۆت: “دێ گرنگيێ ده‌ينه بابه‌تێ پاقژيێ كو سه‌ر پشكا هه‌ر تشته‌كى يه و كه‌سه‌كاتيێ ژى دێ گه‌له‌ك ب هه‌ند ڤه وه‌رگرين”.
به‌رى نوكه شه‌وكه‌ت محه‌مه‌د ئه‌مين سه‌رۆكێ باژێرڤانيا دهۆكێ هاتبوو جهێ شێروان حه‌جى مه‌لۆيى و بۆ كێمتر ژ سێ سالان ل ڤى پۆستى وه‌كو سه‌رۆكێ باژێرڤانيا دهۆك كار كر.