سه‌رۆكێ په‌رله‌مانێ عيراقێ پێشوازيێ ل شانده‌كێ پارتى دكه‌ت
ئه‌ڤرۆ نيوز:
شانده‌كێ پارتى ديموكراتى كوردستان ب سه‌رۆكاتيا هشيار زێبارى، ئه‌ندامێ مه‌كته‌با سياسى ئه‌ڤرۆ ئێكشه‌مبى 3/11/2019 ل گه‌ل محه‌مه‌د حه‌لبووسى سه‌رۆكێ په‌رله‌مانێ عيراقێ كۆمبوو.
د به‌ياننامه‌كا نڤيسينگه‌ها سه‌رۆكێ په‌رله‌مانێ عيراقێ دا هاتيه” محه‌مه‌د حه‌لبووسى سه‌رۆكێ په‌رله‌مانى ئه‌ڤرۆ ئێكشه‌مبى پێشوازى ل شانده‌كێ پارتى ديموكراتى كوردستان ب سه‌رۆكاتيا هشيار زێبارى كر و د ديداره‌كى دا به‌حسێ ره‌وشا سياسى و ئه‌منى كر كو عيراق د ڤێ قۆناغێ دا تێدا ده‌رباز دبيت، ل گه‌ل داخوازيێن ره‌وا يێن خوه‌نيشانده‌ران و گرنگيا بجهئينانا وان داخوازيان ب رێيا به‌رنامه‌كێ چاكسازيێ يێ به‌رفرهه كو چاره‌سه‌ريا ريشه‌يى بكه‌ت و ل گه‌ل خواستا خوه‌نيشانده‌ران و گه‌لێ عيراقێ ب گونجيت”.
هه‌ر د وێ كۆمبوونێ دا دانوستاندن ل دۆر راستڤه‌كرنا دستوورى هاته كرن و دووپاتى ل سه‌ر وێ ئێكێ كو ژ لايێ هه‌موو پێكهاتان يا په‌سه‌ند كرى بيت.
