سه‌رۆك بارزانى:جهێ شانازيێ يه كوردستان وه‌لاتێ پێكڤه‌ژيانا هه‌موو ئايين ونه‌ته‌وانه
ئه‌ڤرۆنيوز:
ب هلكه‌فتا جه‌ژنێن سه‌رێ سالێ وژدايكبوونا عيسايێ مه‌سيح، سه‌رۆك مه‌سعود بارزانى په‌يامه‌كا پيرۆزباهيێ به‌لاڤ دكه‌ت.
سه‌رۆك بارزانى دپه‌ياما خوه دا دبێژيت” ب هلكه‌فتا هاتنا جه‌ژنێن سه‌رێ سالا زايينى وژدايكبوونا حه‌زره‌تێ مه‌سيح سلاڤێن خودێ ل سه‌ر بن، گه‌رمترين پيرۆزباهيێن خوه ئاراسته‌ى خوشك وبرايێن مه‌سيحى ل كوردستانێ وعيراقێ وهه‌موو جيهانێ دكه‌م”.
گۆت ژى” هيڤيدارم ئه‌ڤ هلكه‌فتا پيرۆز ببيته ئه‌گه‌رێ ده‌ستپێكا ژيانه‌كا پر ژئاشتيێ وبرايه‌تيێ دناڤبه‌را هه‌موو لايه‌كى ودووماهى ب تيرۆرێ وسته‌مێ وچه‌وساندنێ بهێت، ب تايبه‌ت كو خوشك وبرايێن مه يێن مه‌سيحى ل سالێن بۆرى ئازاره‌كا مه‌زن ل سه‌ر ده‌ستێ تيرۆرستان ديتيه”.
سه‌رۆك بارزانى دپه‌ياما خوه دا ئاماژه دا”جهێ شانازيێ يه كو كوردستان وه‌لاتێ پێكڤه‌ژيانێ وته‌باييا هه‌موو ئايين ونه‌ته‌وه وپێكهاتانه وب پشته‌ڤانيا خودێ مه‌زن وب هيممه‌تا هه‌موو لايه‌كى دڤێت ئه‌و پێكڤه‌ژيانه وبرايه‌تى يه كوورتر لێ بهێت”.
