سه‌رۆك بارزانى: ئارمانجا مه پشتى داعش دابینكرنا ئاسایشێ یه بۆ پێكهاتێن نه‌ته‌وه‌یى
ئه‌ڤرۆ نیوز:
سه‌رۆك بارزانى ل سه‌لاحه‌دین پێشوازیا بێرنادر كازوا ئه‌ندامێ جڤاتا پیران یا فره‌نسا و شانده‌كێ ل گه‌لدا كر.
سه‌رۆك بارزانى سوپاسیا جڤاتا پیران یا فره‌نسا كر و سه‌ره‌راى ئاماژه دان ب سه‌ره‌دانا سه‌رۆكێ فره‌نسا بۆ هه‌ولێرێ ل ده‌ستپێكا هێرشا داعش بۆ سه‌ر ده‌ڤه‌رێ، رژدى ل سه‌ر دوستایه‌تیا ناڤبه‌را گه‌لێ كورد و گه‌لێ كوردستانێ كر.
بارزانى به‌حسێ قاره‌مانیا پێشمه‌رگه‌ى كر د شه‌رێ تیرورستان و پاراستنا پێكهاتێن نه‌ته‌وه‌یى دا و راگه‌هاند پێشمه‌رگه جهێ شانازیا گه‌لێ كوردستانێ نه و به‌حسێ ئوپه‌راسیونا كونترۆلكرنا مووسل كر و راگه‌هاند كو پێشمه‌رگه‌ى ئه‌و رۆلێ پێ هاتیه دان ب سه‌ركه‌فتى ئه‌نجامدا و گۆت” ئارمانجا مه پشتى شه‌رێ داعش دابینكرنا ئاسایش و به‌خته‌وه‌ریێ یه بۆ خه‌لكێ ده‌ڤه‌رێ ب تایبه‌ت ئێزدى و مه‌سیحیان و ل هه‌ر رێككه‌فتنه‌كێ دا پێدڤیه حه‌زا ئاكنجیێن رونشتڤانێن ده‌ڤه‌رێ بهێته ل به‌رچاڤ وه‌رگرتن كانێ چ لایه‌ك دێ ئاسایشا ده‌ڤه‌رێ دابین كه‌ت”.
