سه‌رۆك بارزانى جه‌ژنا جه‌مايێ ل كوردێن ئێزدى پيرۆز دكه‌ت
ئه‌ڤرۆنيوز:
سه‌رۆك مه‌سعود بارزانى ئه‌ڤرۆ شه‌مبيێ 6/10/2018 ب هه‌لكه‌فتا جه‌ژنا جه‌مايێ يا كوردێن ئێزدى داخوازا پتر ب هێزكرنا فه‌رهه‌نگا پێكڤه‌ژيانێ وبرايه‌تيێ دناڤبه‌را هه‌موو پێكهاتێن ئاينى ونه‌ته‌وى كر.
سه‌رۆك بارزانى د مالپه‌رێ خوه يێ تايبه‌ت دا ب هه‌لكه‌فتا جه‌ژنا جه‌مايێ يا كوردێن ئێزدى پيرۆزباهيێن خوه ئاراسته‌ى هه‌موو خووشك وبرايێن ئێزدى ل كوردستاني وهه‌موو جيهانى كر وگۆت” هيڤيدارم ئه‌ڤ جه‌ژنه ببيته ئه‌گه‌رێ خوه‌شيێ وئاراميا خووشك وبرايێن ئێزدى وبشێن هه‌موو ساله‌كێ جه‌ژن وخوه‌شيێن خوه ب ئاشتى وئاسووده‌يى بكه‌ن”.
سه‌رۆك بارزانى گۆت ژى” ب ڤێ هه‌لكه‌فتى دووپات دكه‌م كو پێدڤيه ئه‌م هه‌موو كار بكه‌ين بۆ پتر ب هێزكرنا فه‌رهه‌نگا پێكڤه‌ژيانێ وبرايه‌تيێ وته‌بايێ دناڤبه‌را پێكهاتێن ئاينى ونه‌ته‌وى ل كوردستانێ وببارێزين”.
