سه‌رۆك بارزانى جه‌ژنا قیامه‌ ل مه‌سیحیان پیرۆز دكه‌ت

ئه‌ڤرۆ نیوز:
سه‌رۆك بارزانى ب هه‌لكه‌فتا هاتنا جه‌ژنا قیامه‌ یا حه‌زره‌تا مه‌سیح ( سلاڤێن خودێ ل سه‌ر بن) په‌یامه‌كا پیرۆزباهیێ به‌لاڤكریه‌ و تێدا پیرۆزباهى ئاراسته‌ى هه‌موو خوشك و برایێن مه‌سیحى یێن كوردستانێ و عیراقێ و سه‌رانسه‌رى جیهانێ كریه‌ و هیڤى خواستیه‌ هه‌موو جه‌ژنێن وان ب خوه‌شى و شادى بن.
بارزانى دیاركریه‌” ئه‌م هه‌موو د ئێك وه‌لاتدا دژین و چاره‌نڤیسه‌كێ هه‌ڤپشك مه‌ هه‌یه‌ و هوون ژى پشكه‌كا ئه‌زیز یا گه‌لێ كوردستانێ نه‌ و دێ پشكداربن د دیاركرنا چاره‌نڤیس و په‌یره‌وكرنا مافێن ره‌وایێن گه‌لێ كوردستانێ.
بارزانى دیاركریه‌ كو تیرورست ل سه‌ر ده‌ستێ پێشمه‌رگێ قاره‌مان هاتینه‌ تێكشكاندن و تیرۆر نه‌شیایه‌ برایه‌تى و ئێكرێزیا ناڤبه‌را پێكهاتێن كوردستانێ تێكبده‌ت و گۆت” هیڤیخوازین ب زووترین ده‌م خووشك و برایێن مه‌سیحى كو مال و حالێن خوه‌ بجه هێلاى ب سه‌ربلندى ڤه‌گه‌رنه‌ ده‌ڤه‌رێن خوه‌ڤه‌ و ده‌ست ب ژیانه‌كا نوو بكه‌ن.

کۆمێنتا تە