سه‌رۆك بارزانى دێ رۆلێ ئێكلاكه‌ر دپێكئينانا حوكمه‌تا عيراقێ دا گێريت
ئه‌ڤرۆنيوز:
سێ سه‌ركردێن بلند يێن عيراقى دچارچۆڤێ دانوستاندنێن پێكئينانا حوكمه‌تا نوو يا عيراقێ، دانوستاندنێن راسته‌وخوه ل گه‌ل سه‌رۆك بارزانى ئه‌نجام دده‌ن.
ل دووڤ راپۆرته‌كا رۆژناما (العرب) يا له‌نده‌نى، ژێده‌ره‌كى نێزيك ژ موقته‌دا سه‌در، رێبه‌رێ ره‌وتێ سه‌درى وسه‌رۆكێ هه‌ڤپه‌يمانيا سائيرون راگه‌هاند”سائيرون ل گه‌ل چه‌ند هه‌ڤپه‌يمانى وليستان دێ مه‌زنترين كوتلا په‌رله‌مانى دروست كه‌ت”.
وى ژێده‌رى گۆت ژى كو موقته‌دا سه‌در وعه‌مار حه‌كيم سه‌رۆكێ ره‌وتێ حيكمه وئه‌ياد عه‌لاوى سه‌رۆكێ هه‌ڤپه‌يمانيا وه‌ته‌نيه يێن گه‌هشتينه لێكتێگه‌هشتنه‌كا ه‌ستپێكى بۆ دروستكرنا (ره‌وتێ زورينه‌يا نيشتمانى) ل په‌رله‌مانێ عيراقێ”.
دياركر ژى كو ل چه‌ند رۆژێن داهاتى، موقته‌دا سه‌در وئه‌ياد عه‌لاوى وعه‌مار حه‌كيم دێ هێلا دانوستاندنا راسته‌وخوه ل گه‌ل سه‌رۆك مه‌سعود بارزانى ڤه‌كه‌ن بۆ به‌حسكرنا دووماهى بزاڤێن پێكئينانا حوكمه‌تا داهاتى يا عيراقێ.