سه‌رۆك بارزانى دێ پشكدارى ساخكرنا 35 ساليا جينوسايدا بارزانيان بيت
ئه‌ڤرۆ نيوز، نەوزاد ھلوری:
بریارە ئێڤاریا ئەڤرۆ لسەر گورستانا جینوسایدا بارزانیان ل گوندێ بارزان 35 سالیا جینوسایدا بارزانیان ب رێڤەبچیت کو تێدا سەروک بارزانی و نونەرێن وەلاتێن جیھانی و پلە بلندێن حکومەتێ دێ بەرھەڤ بن.
بەرەڤان حەمدی ، بریکارێ وەزارەتا شەھیدان یا حوکمەتا ھەرێما کوردستانێ بو ئەڤرۆ نیوز گۆت: (وەک رێزگرتن ل خوین و خەباح و قوربانیدانا جینوسایدا بارزانیان ، ئەڤرۆ ئێڤاری لسەر ئاستێ بلند یێ حوکمەتێ و وەزارەتا شەھیدان دێ 35 سالروژا جینوسایدا بارزانیان ل گوندێ بارزان ساخ کەت و تێدا دێ کومەکا گوتار و چالاکیان ھێنەکرن).
زێدەتر گوت: (د رێورسمان دا تاجە گولینە دێ ژلایێ سەروک بارزانی و نونەرێن وەلاتێن بینانی و حوکمە و لایەنێن سیاسی و کەس کارێن جینوسایدکریان ھێنە پێشکێشکرن ، پاشان دێ بو ئێکەمین جار پەیکەرێ جینوسایدا بارزانیان ھێتە نیشاندان کو دەربرین ژ قوربانیێن جینوسایدا بارزانیان دکەت).
رێورسم ل دەمژمێر 5:0ێ ئێڤاری ھێنە ب رێڤەبرن لسەر گورستانا جینوسایدا بارزانیان ل گوندێ بارزان.
