سه‌رۆك بارزانى سه‌رخوه‌شيێ ل ئه‌ميندارێ گشتى يێ يه‌كگرتوو دكه‌ت
ئه‌ڤرۆ نيوز:
سه‌رۆك بارزانى، تیرۆركرنا دكتۆر هشیار ئیسماعیلی شه‌رمزاركر و راگه‌هاند؛ ئه‌و كریارا نه مرۆڤانه، ل دژی هه‌موو ئالییان و ب تایبه‌ت ل دژی كه‌سایه‌تییا من بخوه هاتیه كرن.
ل گۆری راگه‌هاندنه‌كا سه‌رۆكایه‌تییا هه‌رێما كوردستانێ، ئه‌ڤرۆ، سه‌رۆك بارزانى ب رێیا ته‌له‌فۆنێ، په‌یوه‌ندی ب سه‌لاحه‌دین بهائه‌دین ئه‌میندارێ گشتی یێ یه‌كگرتوویا ئیسلامی كر و ب دژواری تیرۆركرنا دكتۆر هشیار ئیسماعیل شه‌رمزاركر و راگه‌هاند؛ شه‌هیدكرنا ماموستا هشیاری، شه‌هیدكرنا ده‌نگێ پێكڤه‌ژیانێ یه و ئه‌و كریارا نه مرۆڤانه، لدژی هه‌موو ئالییان و ب تایبه‌ت ژی لدژی كه‌سایه‌تییا من بخوه هاتیه كرن.
بارزانی زێده‌بارى نیشاندانا هه‌ڤسۆزییا خوه، سه‌ره‌خوشیێ ل ئه‌میندارێ یه‌كگرتوویێ كر و دا زانین كو وی هه‌موو سازیێن په‌یوه‌ندیدار راسپاردینه ب زووترین ده‌م، ئه‌نجامده‌رێن وێ كریارێ ده‌سته‌سه‌ربكه‌ن و راده‌ستی یاسایێ بكه‌ن.
