سه‌رۆك بارزانى ل دهۆكێ: پێشنیاز دكه‌م باژیره‌كێ نوو بۆ شنگالیان بهێته ئاڤاكرن
ئه‌ڤرۆ نیوز:
سه‌رۆك بارزانى د سالڤه‌گه‌را ده‌ربازبوونا دو سالان ل سه‌ر كاره‌ساتا شنگالێ، ل دهۆكێ په‌یڤه‌ك پێشكێشكر و گۆت” پێشنیاز دكه‌م شنگال وه‌كو بیره‌وه‌ریه‌ك بمینیت بۆ نه‌ڤیێن بهێت، بۆ وێ یه‌كێ بزانن چ ب سه‌ر ملله‌تێ كورد هاتیه و ل ته‌نشت شنگال، باژێره‌كێ نوو بۆ شنگالییان بهێنه دورست كرن”.
بارزانى گوتژى” هیڤیدارم كاره‌ساتا شنگال كاره‌ساته‌كا مه‌زن بوو ب سه‌ر گه‌لێ كورد دا هاتى، ئه‌ڤه ئێكه‌مین كاره‌سات نینه، هیڤیخوازم دووماهى كاره‌سات بیت ب سه‌ر گه‌لێ مه‌دا بهێت”.
بارزانى دیاركر داعش نه‌هاتبوو دا ب تنێ شنگال بستینیت، ئارمانجا وان ئه‌و بوو كوردستانێ هه‌میێ داگیر بكه‌ت، به‌لێ پێشمه‌رگێ قاره‌مان زوو ڤێراگه‌شت و به‌رسینگێ وان گرت و شكاندن”.
سه‌رۆك بارزانى ئاماژه ب وێ یه‌كێ كر كو تنێ رێیا ده‌ربازبوون ژ ڤان كاره‌ساتان سه‌ربه‌خوویى یه و گۆت” من دڤێت بێژمه وان چ یێن ب ده‌ستێ تیرورستێن داعش رزگاربووین، چ ئه‌و گه‌نجێن فه‌یلى، چ ئه‌و بارزانی چ ئه‌و 182 هزار ئه‌نفال، چ ئه‌و ژن و زارۆیێن ل هه‌له‌بجه ب ژه‌هرێ خه‌ندقان، دبێژمه ڤان هه‌موویان ئه‌گه‌ر مه بڤێت نه‌ڤیێ بهێت تووشى چ كاره‌ساتێن ب ڤى جورى نه‌بیت، ب تنێ رێ ئه‌وه د سه‌ربه‌خو بین و به‌ره‌ڤ سه‌ربه‌خوییێ بچین”.
