سه‌رۆك بارزانى ل گه‌ل سه‌رۆكێ پارتا سۆسياليستا كوردستان كۆمبوو
ئه‌ڤرۆنيوز:
سه‌رۆك مه‌سعود بارزانى، ئه‌ڤرۆ چارشه‌مبى 11/4/2018 ل گه‌ل مه‌سعود ته‌ك سه‌رۆكێ پارتا سۆسياليستا كوردستان كۆمبوو.
دديداره‌كێ دا، سه‌رۆكێ پارتا سۆسياليستا كوردستان سه‌ره‌خوه‌شى وهه‌ڤخه‌ميێ خوه ب سه‌رۆك بارزانى راگه‌هاند ب وه‌غه‌ركرنا دلۆڤان ئيدريس بارزانى.
هه‌ر دوێ كۆمبوونێ دا، سه‌رۆكێ پارتا سۆسياليستا كوردستان، رۆناهى خسته سه‌ر ره‌وشا سياسى ل توركيا وهه‌روه‌سا ره‌وشا كوردان وئاليێن سياسى يێن كوردى ل توركيا وئاماژه ب وان رێگرى وته‌حه‌ديان كر كو ل ڤێ دووماهيێ دژيانا سياسى يا گه‌لێ كورد دا ل توركيا هاتينه پێش وهه‌روه‌سا به‌حس ل پرۆسا سياسى وهه‌لبژارتنێن داهاتى يێن توركيا كر.
ژئاليێ خوه‌ڤه، سه‌رۆك بارزانى ئاماژه ب ره‌وشا هه‌رێما كوردستانێ وروودانێن پشتى ريفراندۆمێ كر ونيگه‌رانيا خوه ل دۆر داهاتى وره‌وشا گه‌لێ كورد ل سووريێ ده‌ربرى.
سه‌باره‌ت ره‌وشا ئاليێن سياسى يێن كوردي توركيا، سه‌رۆك بارزانى شيره‌تێن پێدڤى خستنه روو وبه‌رهه‌ڤيا خوه ژى نيشاندا بۆ هاريكاريێ دچاره‌سه‌ريه‌كا ئاشتيانه‌يا دۆزا كوردى وخه‌باتا سياسى يا گه‌لێ كورد ل باكوورێ كوردستانێ.
