سه‌رۆك بارزانى و نه‌وشيروان مسته‌فا دێ كۆم بن
ئه‌ڤرۆ نيوز:
رۆژناما نێزيك ژ حوكمه‌تا عيراقێ “سه‌باح” راگه‌هاند: ب گۆره‌يى پێزانينان بزاڤه‌ك هه‌يه بۆ كۆمبوونا مه‌سعود بارزانى و نه‌وشيروان مسته‌فا و هه‌رپێنج حزبان ب مه‌ره‌ما چاره‌كرنا هه‌ڤركيان و ئێمنكرنا ئه‌و كاودانێن نوكه دروست بووين.
ئاسۆ مه‌حمود، به‌رپرس ل بزاڤا گۆڕان بۆ رۆژناما “سه‌باح” راگه‌هاند: “بزاڤه‌كا مه‌زن هه‌يه بۆ كۆمبوونا ئاشتيێ د ناڤبه‌را مه‌سعود بارزانى و نه‌وشيروان مسته‌فايى دا”.
ئه‌وى به‌رپرسى گۆتژى: “هنده‌ك بزاڤ دهێنه كرن بۆ كۆمبوونێن هه‌ردولا، ده‌رگه‌هێن مه ژى وه‌كو پارته‌كا سياسى ل به‌ر هه‌موو حزبان د ڤه‌كرى نه.
ژ لايێ خوه ڤه مه‌حمود عوسمان، سياسه‌تمه‌دارێ كورد، بۆ رۆژناما سه‌باح گۆت: “كۆمبوونا چاڤه‌رێكرى يا هه‌رپێنج لايه‌نێن سياسى، چاڤه‌رێ دهێته كرن ببيته ئه‌گه‌رێ ده‌ركه‌فتنێ ب ئێك بۆچوون و چاره‌كرنا كێشان”.
ته‌كست ژى ل سه‌ر وێ چه‌ندێ كر كو هێزێن پێشمه‌رگه‌يى ژ ڤان كێشه و هه‌ڤركيان د دوورن و د ئاماده‌باشيێ دانه بۆ پاراستنا هه‌رێما كوردستانێ و پابه‌ندبوون ب ئه‌ركێن خوه.
