سه‌رۆك بارزانى په‌يامه‌ك به‌لاڤكر
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ په‌يامه‌ك ئاراسته‌يى خه‌لكێ به‌سرا كر كو ئه‌ڤێ ل خوارێ ژى ده‌قێ وێ يه:
ب ناڤێ خودێ مه‌زن و دلۆڤان
هه‌بوونا خه‌لكێ نه‌رازى و پێشهاتێن چه‌ند رۆژێن بۆرى يێن وى باژێرى گه‌له‌ك دلته‌نگ كرينه، هه‌ڤخه‌مى و سه‌ره‌خۆشيا خوه ئاراسته‌يى خێزان و كه‌سوكارێن قوربانيان دكه‌م و هيڤيا ساخبوونا ب له‌ز بۆ برينداران دخوازم.
ل گه‌ل وێ چه‌ندێ كو خوه‌نيشاندان ده‌ربڕينا نه‌رازيبوونێ يه و ب مافێ خه‌لكى د زانين د هه‌مان ده‌م دا وه‌سان هزر دكه‌ين كو خه‌لكێ وى باژێرى يه د ژيانه‌كا هێژايانه دا بژين. جهێ سه‌رسورمانێ يه كو د زه‌نگينترين باژێرێ دونايێ دا خه‌لكى ئاريشێن نه‌بوونا ئاڤا ڤه‌خوارنێ هه‌بيت و ژ به‌ر نه‌خۆشيان بنالن و ڤێ مه‌حروميه‌ت و پشت گۆهـ خستنێ چو به‌هانه‌يه‌ك نينه.
ئه‌م هه‌رده‌م لوتف و گه‌رمى و ڤيانا خه‌لكێ به‌رێز باژێرێ به‌سرا ژبير ناكه‌ين ده‌مێ ب جوش و خرۆش ڤه پێشوازى ل بارزانيێ نه‌مر و هه‌ڤالێن وى كرى د ده‌مێ خه‌باتا ل دژى سته‌ما و جوداهيێ دا بۆ سالانێن درێژ چووينه ئێكه‌تيا سۆڤيه‌ت.
ژ به‌ر هندێ ل ڤێره هه‌ڤسۆزى و پشته‌ڤانيا خوه بۆ وه‌لاتيێن باژێرێ به‌سرا رادگه‌هينيت و هيڤيدارين رێز ل مافێن وان بهێته گرتن و بهێنه بجهئينان كو د راستى دا ئه‌و داخوازى ساده‌ترين مافه كو پێدڤيه هه‌ر مرۆڤه‌كى هه‌بيت.
داخوازێ ژ خه‌لكێ به‌رێزێ باژێرێ به‌سرا دكه‌م كو بۆ وێ چه‌ندێ ژيانا خه‌لكى نه‌كه‌ڤيته بن مه‌ترسيێ خوه‌نيشاندانێن ئاشتيانه و دوور ژ تۆندوتيژيێ ئه‌نجام بده‌ن. ب پشت راستى ڤه خه‌لكێ هه‌رێما كوردستانێ يا ژ ده‌ست بهێت بۆ گه‌هاندنا هاريكاريان بۆ وه‌لاتيێن باژێرێ به‌سرا كێم ته‌رخه‌ميێ ناكه‌ن.
مسعود بارزانی
5ـی 9ـی 2018
