سه‌رۆك بارزانى پیرۆزباهیێ ل سه‌رۆكێ هه‌لبژارتیێ فره‌نسا دكه‌ت
ئه‌ڤرۆ نیوز:
سه‌رۆكێ هه‌رێما كوردستانێ پیرۆزباهیێ ل سه‌رۆكێ هه‌لبژارتیێ فره‌نسا دكه‌ت و دوپاتیێ دۆستینیا د ناڤبه‌را گه‌لێ كوردستانێ و فره‌نسا دا دكه‌ت.
مه‌سعود بارزانى سه‌رۆكێ هه‌رێما كوردستانێ د په‌یامه‌كێ دا پیرۆزباهى ل ئیمانۆێل ماكرۆن سه‌رۆكێ هه‌لبژارتیێ فره‌نسا كر ب هه‌لكه‌فتا هه‌لبژارتنا وى وه‌ك سه‌رۆكێ فره‌نسا.
سه‌رۆك بارزانى د په‌یاما خوه دا دوپاتی ل سه‌ر دۆستینیا د ناڤبه‌را گه‌لێ كوردستانێ و گه‌لێ فره‌نسا دا كریه.
دهێته زانین كو ئیمانوێل ماكرۆن د خولا دویێ یا هه‌لبژارتنێن سه‌رۆكاتیا فره‌نسا دا 66.9% یا ده‌نگان ب ده‌ستڤه‌ئینان و سه‌ركه‌فت ل سه‌ر مارین لو پێن كو 33.94% ی ده‌نگان ب ده‌ستڤه ئیناینه.
هه‌ژى گۆتنێ یه كو وه‌لاتێ فره‌نسا د شه‌رێ دژى داعش دا ئێك ژ وان وه‌لاتان بوو یێن كو هاریكارى و پشته‌ڤانیا هێزا پێشمه‌رگه‌ى و هه‌رێما كوردستانێ كرى و فرانسوا ئۆلاند سه‌رۆكێ فره‌نسا د وى ده‌مى دا دو جاران سه‌ره‌دانا هه‌رێما كوردستانێ كربوو.
